Хүмүүсийн энергийн ангилал


Эрчим хүч шимэгчид Бидний ойр дотны хүмүүс, хамаатнууд, найз нөхөд маань энергийн шимэгчид болдог. Тэднээс салахад мэдээж амаргүй. Зарим тохиолдолд тэднийг таны энергийг сорж дуустал нь хүлээхээс өөр арга замгүй байдаг.Тэднээс хамгаалахын тулд өөрийн оюун ухамсрын хөгжилд илүү анхаарч, муу муухай бүхнээс зайлсхийж, нэн түрүүнд бусдыг хайрлаж, уучилж сурах ёстой. Бусдад үргэлж гомдож, муудаж явсан хүн хамгаалах хүчээ алдаж, био талбай нь сийрэгждэг. Өөрийн энергийг идэгчид Энэ бол маш сонин төрөл зүйл. Тэд нууцлаг, хязгаарлагдмал хүмүүс. Хэрэгцээтэй үед энергийн хамгаалалт гаргаж, өөрийн дотоод энергийг зөв, ухаалаг хуваарилж чаднаИхэнх тохиолдолд тэдний энерги нь тодорхой нэг газарт чиглэж, тэндээ “идэгддэг” ба ингэснээр сөрөг агуулгатай болон хувирдаг. Хүнд дурлаад, сэтгэлээ илчилж чадахгүй шаналагсдын ихэнх нь ийн өөрийгөө идэгч болон хувирдаг. Хөндлөнгийн сөрөг нөлөөлөлд автсан “өөрийгөө идэгчид” энэ сөрөг мэдээллийг удаан хугацаанд өөртөө хадгалдаг. Тэгээд байнга энэ мэдээллээ сэргээн санаж, өнгөрсөн явдлыг эргэн харж шаналсаар байдаг. “Өөрийгөө идэгчид”-ийн хувьд нэн тэргүүнд байгальтай энергийн солилцоонд орж сурах чухал. Үүнээс гадна мөн биеийн хүчний дасгал хийж, гэрийн тэжээмэл амьтадтай харьцаж, ой модон дунд зугаалж, усан угаал үйлдэх хэрэгтэй. Энергийн “хоосон сав” Ийм хүмүүст байдаг нийтлэг шинж бол оюун ухаан, ухамсрын дорд хөгжил юм, тэд бусдад эрчимээ өгч мэддэггүй, тэгсэн атлаа өөрсдөө бас хаанаас авахаа мэддэггүй. Тэдэнд биоэнергийн солилцоо гэж бараг байдаггүй. Тэд амьдралын энергээ ихэвчлэн идэж ууж, эсвэл өөрт нь байхгүй эд юмсыг шунан харж нөхдөг. Тэдэнтэй харьцахыг хэн ч хүсдэггүй, яриа нь бүдүүн баргийн, бодол санаа нь гэнэн мунхаг байдгаас гадна хөндлөнгөөс харахад эсвэл хэт хойрго, эсвэл хэт хөдөлгөөнтэй хүний дүртэй. Хойрго гэдэг нь эрчим хүчээ алдахгүйг хичээдэгтэй нь, харин хөдөлгөөнтэй гэдэг нь энергийн алдагдлаа ямар нэгэн жижиг үйл хөдлөлөөр нөхөх гэсэн эрмэлзлэлтэй нь холбоотой. Гэхдээ л тэднийг хайрлах хэрэгтэй, тэдэнд хөндлөнгөс анхаарч, халамжилсан илрэл болгоныг талархан хүлээж авдаг тул чин сэтгэлээсээ хайрласан хүн тэдний хоосон савыг “дүүргэж” чадна. Энергийн зуучлагчид Тэд маш их илэн далангүй, итгэлтэй хүмүүс. Эерэг эрчмийг хүлээн авах чадвар сайтай, харин сөрөг нөлөөллийг эсэргүүцэхдээ муу. Ямар ч энерги тэднийг нэвтлэн гарахдаа мөн чанараа өөрчилдөггүй. Эрчим хүчний зуучлагчид нь баяр баясгалан, амьдралын сайн сайхныг харамгүй хуваалцдаг ба ингэхдээ энэ эрчмийг яаж авснаа, тухайлбал гэнэт толгой дээр нь унаад ирсэн үү, эсвэл өөрийн хөдөлмөрөөр бий болгосон уу гэдгийг ер эрэгцүүлдэггүй. Тэдэнд байдаг нэгэн чухал шинж бол түүнд ирээд, дараа нь өөр хүн дамжуулагдсан энерги мэдээллийн оронгоо өөрчлөлгүй хадгалсаар байдаг. Тиймээс ихэнх зуучлагч нь бусдын хувьд хэтэрхий шулуухан буюу хүүхэд шиг томоогүй гэх сэтгэгдлийг төрүүлдэг. Энергээ гээгчид Тэд ихэвчлэн хэрэгт дурламтгай хүмүүс байдаг болохоор илүү үгэнд дурлан, эсвэл өөрт хамаагүй зүйлд хошуу дүрж, бусдыг уурлуулан бухимдуулж, өөрсдөө эвгүй байдалд ордог. Энергээ гээгчид нь энергийн вампируудад биеэ цэнэглэх сайхан боломжийг олгоно. Тэд өөрийгөө ухамсартайгаар хамгаалж чаддаггүй. Гэсэн ч тэдэнд далд ухамсрын хамгаалалт буй. Тиймээс тэд зарим нөхцөл байдалд энергийг хангалттай авч чаддаг. Залхуу хүмүүсийг энэ төрөлд хамруулдаг. Бид цаг хугацааг дэмий үрж алдсанаар энергээ ч мөн алдаж, өөрийн чадавхи чансааг муутгана. Тиймээс энергийн цоорхойд орохгүйн тулд энгийн физик үйлдлүүдийг хийхийг нэн түрүүнд оролдох ёстой. Дэлгэрэнгүй...

Хүний усны өдөр тутмын хэрэглээ


Хэр хэмжээний усыг өдөр бүр уух ёстой юм бол? Энэ асуултад шуудхан хариулахад хэцүү. Учир нь хувь хүний эрүүл мэнд, амьдарч буй орчин, биеийн хүчний ажил эрхэлж буй байдал гээд олон хүчин зүйлээс хамаарна.
Хэдийгээр бүгдэд тохирох томъёолол байхгүй ч өдөр тутам хэрэглэх ундны усны хэрэгцээгээ тогтооход тус болох мэдээллийг хүргэе.
Усны ач тус

Биеийн нийт жингийн жаран хувь нь ус байдаг бөгөөд организмд агуулагдаж буй ус нь химийн гол үйлчлэлийг зохицуулах үүрэгтэй байдаг. Тухайлбал, ус нь бие эрхтэнүүдээс хорт бодисыг гадагшлуулдаг бол харин эд эсүүдэд тэжээлийн бодисыг түгээн чих, хамар, хоолойг чийгшүүлэх үүргийг гүйцэтгэдэг. Ус, шингэний дутагдал нь давс усны тэнцвэрийг алдагдуулахаас гадна хүндэрсэн тохиолдолд амь насанд ч аюул учруулдаг.

Хэр хэмжээний ус хэрэгтэй вэ?

Хүн өдөр бүр амьсгал, хөлс болон шээсээрээ их хэмжээний ус чийгийг гадагшлуулж байдаг. Харин алдсан усыг хоол хүнс, ундаараа нөхөж нөөцөлдөг юм. Сэрүүн бүсийн цаг ууртай газар амьдардаг насанд хүрсэн эрүүл хүний усны дундаж хэрэгцээ ямар байх ёстой юм бол.

Насанд хүрсэн хүн өдөрт дунджаар1,5 литр шээс ялгаруулдаг бол нэг литр хэртэй шингэнийг амьсгал болон хөлсөөрөө гадагш алддаг байна. Гаднаас авч буй шингэний хорин хувь нь хоол хүнсээр дамждаг. Иймээс өдөрт ус болон бусад төрлийн шингэнээс хоёр литрийг ууж байвал алдсан шингэнийг хангалттай нөхөж чадна. Өөрөөр хэлбэл өдөр бүр найман аяга шингэн ууна гэсэн үг юм.

Судалгаагаар эрэгтэй хүн өдөрт дунджаар гурван литр ус буюу 13 аяга шингэн уух хэрэгтэй бол харин эмэгтэй хүн 2,2 литр буюу есөн аяга ус уух шаардлагатай. Хэрвээ хаяа нэг ам их цангахыг эс тооцвол энэ нь хангалттай хэмжээ бөгөөд энэ тохиолдолд өдөрт нэгээс хоёр литр шээс ялгаруулж байх ёстой юм байна.

Ундны хэрэглээнд нөлөөлдөг хүчин зүйлүүд

Гэхдээ дээрх хэмжээ нь таны эрүүл мэндийн байдал, цаг уур, биеийн хүчний ачаалал, жирэмсэн хөхүүл хүүхэдтэй эсэхээс шалтгаалан өөрчлөгддөг.

Биеийн хүчний дасгал

Та спортоор хэр их хичээллэнэ төдий хэмжээгээр шингэн шаардана. Хөнгөн дасгал хийх үед хэвийн хэмжээнээс нэгээс хоёр аяга ус нэмж уудаг бол цагаас илүү хугацаагаар дасгал, сургуулилт хийхэд /тухайлбал, марафон гүйлт/ шингэний хэрэгцээ эрс нэмэгдэнэ. Ийм үед хоёроос гурван аяга ус уухад алдсан шингэнийг хангалттай нөхөж чадна.

Урт хугацааны эрчимтэй дасгал сургуулилтын үед натри агуулсан тусгай зориулалтын ундааг уух шаардлагатай байдаг. Дасгал хийсний дараа ч ус уух хэрэгтэй. Ингэхдээ биеийн жингийн нэг фунтэд / фунт нь 16 унцтэй тэнцэнэ/ 16 унц шингэн оногдох ёстой юм. / нэг унц нь 28 грамм /

Байгаль орчин

Халуун, чийглэг цаг ууртай газар, хөлс ялгаруулалт их байдаг тул жирийн үеэс их шингэн хэрэглэдэг. Хүйтэн цаг ууртай газар нутагт хүний бие организм амьсгалаар авсан хүйтэн агаарыг халаан эргэж гадагшлуулахдаа их хэмжээний чийгийг алддаг. Мөн далайн түвшнээс дээш 2,500 метрийн өндөрт шээс ялгаруулалт нэмэгдэж, амьсгалын тоо ч олширдог тул шингэний алдагдал улам бүр нэмэгддэг.


Эрүүл мэндийн байдал

Халуурах, бөөлжих үед хүний бие организм хэвийн үеийнхээс илүү их шингэн алддаг. Энэ тохиолдолд ус их уух шаардлагатай.

Давсагны үрэвсэл эсвэл шээс гадагшлуулах замын чулуужилтын үед нэмэлт шингэн ихээр уух хэрэгтэй болдог. Харин зарим төрлийн бөөр, элэгний өвчин, бөөрний булчирхайн үрэвсэл, зүрхний дутгадлын үед шээс ялгаруулалт багасдаг тул шингэний хэрэглээг хязгаарлах ёстой.


Жирэмсэн ба хөхүүл хүүхэдтэй үед
Жирэмсэн, хөхүүл хүүхэдтэй тохиолдолд шингэний дутагдалд орохгүйн тулд нэмэлт ус уух хэрэгтэй. Ялангуяа та хөхүүл хүүхэдтэй бол бүр ч их ус уух шаардлагатай байдаг.

Мэргэжилтнүүд жирэмсэн эмэгтэйг өдөрт 2,4 литр харин хөхүүл хүүхэдтэй эмэгтэйг гурван литр ус уух хэрэгтэй гэж үздэг байна.

Усны бусад эх үүсвэр

Гэхдээ шингэний дутагдалд орохгүйн тулд зөвхөн ус л уух хэрэгтэй гэж бодвол өрөөсгөл ойлголт болно. Хүний бие организм хоол хүнсээрээ дамжуулан багагүй шингэнийг авдаг. Гаднаас авч буй нийт шингэний хорин хувийг хоол хүнсээр, үлдсэн наян хувийг ус болон бусад төрлийн шингэнээр дамжуулж авч байдаг.

Тухайлбал, тарвас, өргөст хэмх зэрэг олон ногоо жимс нь зуун хувь ус агуулдаг. Мөн сүү, жимсний шүүс зэрэг нь ихээхэн хэмжээний ус агуулдаг ч цэвэр ус нь өдөр тутмцын хэрэглээнд хамгийн тохиромжтой байдаг.

Дэлгэрэнгүй...

Гар утас, тархины хавдар холбоотойг ДЭМБ нотлов


Гар утсаар ярих, тархины хавдартай болох нь хоорондоо холбоотой ажээ. Хөдөлгөөнт холбооны аюултай эсэхийг судалсан Дэлхийн эрүүл мэндийн байгууллагын /ДЭМБ/ мэргэжилтнүүд ийм дүгнэлт хийсэн байна. Судалгааны урьдчилсан дүнгээс “Дейли телеграф” сонинд мэдээлжээ.

“Interphone” нэртэй төсөлд ДЭМБ-ын дэмжиж буй хэд хэдэн судалгаа орсон бөгөөд эдгээрийг санхүүжүүлэхэд 20 сая орчим фунт стерлинг зарцуулсан байна. Эдгээр судалгаа нь гар утас хэрэглэх болон тархины гурван төрлийн хорт хавдар, түүнчлэн шүлсний булчирхайн хорт хавдар үүсэх нь хоорондоо холбоотой эсэхийг тогтоох зорилготой байжээ.

2000-2004 онд 13 орон явуулсан судалгаанд 12 мянга 800 хүн оролцож, тэдний дотор эрүүл иргэд ч, хорт хавдартай хүмүүс ч байсан байна.

“Interphone” төслийн найман судалгааны зургаа нь тархины хамгийн тархмал хорт хавдар болох мэдрэлийн системийн тулгуур эдийн хорт хавдар үүсэх эрсдэл нэмэгдэх болон гар утас хэрэглэх нь хоорондоо холбоотойг илрүүлснийг мэдээлжээ. Эдгээр судалгааны нэгнийх нь дүнгээс үзэхэд, тулгуур эдийн хорт хавдар үүсэх эрсдэл 39 хувиар нэмэгдсэн байна.

10 гаруй жил гар утас хэрэглэж байгаа хүмүүст сонсголын мэдрэлийн хоргүй хавдар үүсэх эрсдэл ихэссэнийг ийм хавдрыг судлахад зориулсан долоон судалгааны хоёр нь нотолжээ. Шведийн эрдэмтдийн хэлснээр, гар утсыг ингэж удаан хугацаагаар хэрэглэхэд сонсголын мэдрэлийн хоргүй хавдар үүсэх магадлал бараг дөрөв дахин нэмэгдсэн байна.

Израильд явуулсан судалгааны дүнгээр, шүлсний булчирхайн хорт хавдар үүсэх эрсдэл хөдөлгөөнт холбооны үйлчилгээг хэт их хэрэглэдэг хүмүүст 50 хувиар нэмэгджээ.
Дэлгэрэнгүй...

Бүсгүй та өөрийгөө сонжоод үзээрэй


Хорвоогийн хүүхнүүдээс эрчүүдэд хамгийн их таалагддаг нь нууцлаг, учир битүүлэг бүсгүйчүүд гэнэ. Судлаагүй, таньж мэдээгүй бүхэн мэдээж анхаарал татаж, шохоорхол төрүүлэх тул эрчүүд оньсогыг тайлах хүртэл тайвшрахгүй.
Иймээс хэрэв таныг эрчүүд сонирхож шохоорхдоггүй бол танд ямар нэгэн "ойлгомжгүй", "тайлбарлашгүй" зүйл дутаж байгаа бололтой. Чухам юу гэдгийг тодруулахын тулд сонжоонд хариулж, дөрвөн хариултын нэгийг сонго.







1. Нөхрийн (хайртай хүний) чинь эцэг эх огт таалагдахгүй бол та ямар байр суурь баримтлах вэ?
а. Тэдний ядаж нэг сайн талыг олж харахыг оролдоно-0.
б. Эцэг эхийнх нь талаарх бодлоо түүнд шууд хэлнэ-3.
в. Нөхрөө тэдэнтэй цөөн уулзуулахын тулд бүхнийг хийнэ-2.
г. Төвийг сахих тул ойртох, дотносох алхам хийх талаар тэд найдалтгүй-1.
2. Нөхөр чинь хэрүүл маргааны бүх бурууг танд тохвол?
а. Эвлэрэхийн тулд буруугаа хүлээх ч үнэндээ дотроо тэгж боддоггүй-0.
б. Уурлаж хилэгнэнэ-1.
в. Элэглэж дооглоно-2.
г. Нөхцөл байдлын талаар тайван хэлэлцэхийг хичээнэ-3.
3. Хамтдаа амрахаар төлөвлөж байсан мөнгөөр нөхөр чинь компьютер худалдаж авбал яах вэ?
а. Түүнээс өшөө хэрхэн авахаа төлөвлөнө-0.
б. Зальт үйлдлийнхээ шалтгааныг тайлбарлахыг шаардана-1.
в. Эхлээд уйлж, дараа нь огт юм ярихгүй-2.
г. Бэлгийн харьцаагаа түр тасална-3.
4. Та нөхрийнхөө ажил дээр очтол тэр нарийн бичгийн даргатайгаа маш дотно ярилцаж байвал?
а. Юу ч анзаараагүй дүр үзүүлэн нөхөртэйгээ юм ярина-3.
б. Зориудаар дүр үзүүлэн шууд буцаж гарна-1.
в. Маргаашнаас нь эхлэн тэднийг мөрдөж, хэр дотно харилцаатайг нь тодруулна-2.
г. Давхар утгатай хошигнол чулуудна-6.
5. Хэрэлдсэний дараа амраг чинь секс хүсэхгүй бол?
а. Түүнд эрхэлж наалдана-2.
б. Нервтэж, түүнийг эхний алхам хийхийг хүлээнэ-0.
в. Өөр хүүхэнтэй болсон байх гэж хардана-3.
г. Түүнийг секс хийх саналд татгалзаж өшөөгөө авна-1.
6. Таны нөхөр бүтэлгүй найз хүүхэнд чинь санаа тавьж халамжлаад байвал:
а. Тэгтлээ хичээх хэрэггүй гэж нөхөртөө шууд хэлнэ-1.
б. Нөхрийнхөө найз эртэй учиргүй дотно нөхөрлөх болно-0.
в. Тэднийг хяналтдаа авч ажиглана-3.
г. Найз хүүхэндээ туслахыг оролдоно-2.
7. Нөхөртэйгээ хамтдаа амралтын өдрүүдээр аялах ёстой байтал тэр гэнэт "настроение байхгүй" гээд татгалзвал?
а. Учрыг олохыг хичээнэ-0.
б. Гэрийн ажлаа тайван хийнэ-1.
в. Түүний хүссэн газар луу очихыг санал болгоно-1.
г. Маш гомдож, бодсон бүхнээ уудалж хэлнэ-3.
8. Үдэшлэг дээр нөхөр чинь танаас бусадтай сээтгэнээд байвал?
а. Түүнд дайн зарлана-3.
б. Гараас нь атгаж нэг ч алхам холдохгүй-2.
в. Тааралдсан хүнтэй аальгүйтнэ-1.
г. Xолоос түүнийг ажна-0.
9. Амрагтайгаа гудамжинд таван цагт уулзахаар тохирсон байтал тэр зургаад ирвэл яахав?
а. Жаахан зовоож байгаад хэвийн харьцана-0.
б. Дөхөж ирэхэд нь зориуд буруу харна-1.
в. Ирлээ гэж чин сэтгэлээсээ баярлана-2.
г. Галзуу юм шиг уурлаж, түүн рүү дайрна-3.
10. Хайрт чинь хамтдаа чухал арга хэмжээнд очихгүй гэж шалтаг тоочвол?
а. Орилж чарлан уурлаж а.санасандаа хүрэхийг хичээнэ-3.
б. Гомдсоноо харуулахын тулд бүхнийг хийнэ-2.
в. Түүнийг хүсэхгүй байгааг ойлгож ганцаар явна-1.
г. Өмнө нь хэзээ ч татгалзаж байгаагүй хуучин амраг руугаа утасдана-0.

Одоо оноогоо тоол

0-6 оноо:
Та бол эр хүний юу хүсч байгааг мэддэг хүн. Тэрчлэн эрчүүдийн өө дутагдал, хандлага, хүсэл эрмэлзлэлийг маш сайн судалжээ. Та өмнө чинь ямар хүн байгааг маш сайн ойлгодог бөгөөд хоёуландаа таатай байхын тулд хэрхэн яаж харьцахаа мэддэг. Таны маш үнэтэй чанар бол тэвчээр. Гэхдээ л та ямар нэг алхам, үйлдэл хийхдээ туушгүй. Энэ нь таныг нууцлаг шинжтэй харагдуулдаг.
7-14 оноо:
Та эрчүүдийн учрыг олж чадна гэж боддог ч үнэндээ нөхцөл байдлыг бүрэн ашиглаж, өөртөө дээд хэмжээгээр ашиг гаргаж чаддаггүй. Та нууцлаг хүн, яагаад гэвэл ааш зан хувирамтгай. Танд төлөв томоотой зан, тэвчээр, заримдаа логик дутагддаг. Гэхдээ эдгээр шинж чанарын ачаар та амрагтаа учир битүүлэг, гайхалтай эмэгтэй мэт санагддаг аж.
15-22 оноо:
Та зөрчил маргаанд дургүй, ямар ч аргаар хамаагүй иймэрхүү байдлаас зайлсхийхийг оролддог. Хурц өнцгөөс зайлсхийж, асуудлыг зөөлрүүлэхийг оролдон хэвийн сайхан мэт дүр үзүүлэхийг хичээдэг. Та төрөлхийн шударга, сайхан сэтгэлтэй, эв дүйг олдог, заримдаа маш итгэмтгий. Иймээс та болгоомжтой байх хэрэгтэй, хэн нэгэнд хуурагдаж мэхлэгдэн ашиглагдахаас сэрэмжил. Та итгэмтгий тул амархан гомддог. Мэдээж бүх зүйл таны хувь заяагаа холбосон хүнээс хамаарна. Та энгийн, нээлттэй тул эрчүүдийг хажуудаа барьж тогтоох нь хэцүү. Таны хийх алхам, үйлдлийг урьдаас тааварлаж болохоор. Та ийм байхаа боль. Арай нууцлаг, хаалттай байвал эрчүүд таныг сонирхож эхэлнэ.

23-30 оноо:
Таныг нууцлаг гэх аргагүй. Уур хилэн, сэтгэл хангалуун бус байдал, өөртөө болон амрагтаа итгэлгүй байдлаас үүдэн та үл ойлгогдом байдаг. Гэхдээ үүнийг учир битүүлэг, дур булаам байдал гэхгүй. Түүнээс гадна таны ааш зан амархан хувирдаг, баярлаж хөөрч байснаа гэнэт гүн гунигт автдаг. Та тааварлашгүй оньсого мэт, гэхдээ энд эрчүүдийн сэтгэлийг татах юм бараг алга. Та бол довтлогч, сүрдүүлэгч. Хүмүүст итгэдэггүй бөгөөд заль мэхээр удирдаж, тушаах дуртай, эрх мэдлийг хүсдэг. Эдгээр шинжийг таниас олж харсан хүн танд илбэдүүлэхгүй. Ямар ч эр хүн хийрхүү дарангуйлагчийг бус ухаалаг, хэрсүү, төлөв даруухан бүсгүйг хүсдэг. Товчоор өгүүлэхэд хэрэв та өөрчлөгдөхгүй бол хань ижил олоход хэцүү. Та түрэмгий, догшин зангаа хая, нэгэнт сонгож авсан амрагтаа итгэж найд.
Дэлгэрэнгүй...

Амны хөндийн үнэрийг арилгах хялбар аргаас...


Нэгдүгээр арга: Шинэ хүнсний ногооны навчийг цэвэр усаар угаагаад сэврээнэ. Нарийн хэрчиж, ууранд хийж нүдээд шүүсийг нь гаргана. Ариутгасан даавуугаар шүүсийг нь шахаж аваад буцалсан хүйтэн ус нэмээд ундаа болгоно. Энэ сайхан ундаагаа өдөр болгон өглөө оройдоо тус бүр нэг удаа уухад ходоодны халууныг хөөх, амны хөндийн үнэрийг арилгах үүрэг гүйцэтгэдэг байна.

Хоёрдугаар арга: Удвал цэцгийг усанд чанаад цайны оронд байнга уугаад байвал элэг юм уу ходоодны өвчнөөс болсон амны хөндийн үнэрийг арилгахад тун сайн үр нөлөө үзүүлдэг юм. Гуравдугаар арга: Зөгийн бал нь гэдсийг зөөлрүүлж, өтгөн хатахаас сэргийлж, цэрийг цэвэрлэдэг. Өдөр бүр өглөө оройдоо тус бүр нэг аяга буцалсан усанд 1-2 халбага зөгийн бал хийгээд уухад өтгөн хатсанаас үүсэлтэй амны хөндийн үнэрийг арилгаж чаддаг.

Дөрөвдүгээр арга: Жүржлэг нь исгэлэн амттай, элэг ходоодонд сайн нөлөө үзүүлж, анхилам сайхан үнэрээрээ өмхийг арилгах чадавхитай. Шинэ жүржлэгийг хальслаад сайтар зажлаад удаан залгиж идэхэд, архи уусны дараах амны хөндийн муухай үнэрийг арилгах үүрэг гүйцэтгэдэг байна.

Тавдугаар арга: Цай буюу цайны навч нь ханиадыг зогсоох, шингээлтэд туслах, сэтгэл сэргээх, бухимдалыг тайлах, шандуурахаас сэргийлэх үүрэг гүйцэтгэдэг. Өтгөн цайгаар амаа зайлах юм уу 6 грамм цайны навчийг сайтар зажлаад шимээд байхад сармис болон хонины мах идсэнээс болсон амны хөндийн муухай үнэрийг арилгаж чаддаг байна.

Зургадугаар арга: Заарт гавирын тансаг үнэр нь цэрийг арилгаж, ханиадыг зогсоох, амны хөндийн муухай үнэрийг арилгах, шүд өвдөхийг зогсоох үүрэг гүйцэтгэдэг. Заарт гавирын 3-5 хүйс цэцгийг амандаа хийгээд сайтар зажилж шимэх юм уу, 10 гаруй хүйс заарт гавирын цэцгийг аягатай буцалсан усанд дэвтээж хорхоглоод, хөрсөн хойно нь амаа зайлахад хэрэглэнэ. Энэ арга амны хөндийн муухай үнэрийг арилгахад тун үр ашигтай үйлчилдэг байна.
Дэлгэрэнгүй...

Моодонд гаргадаг 14 алдаа


Эмэгтэйчvvд моод хєєж єєрийн хэв загвараа алдах нь олонтаа. Та ч бас тэдний адил моодны бай болж байгаа юм биш биз?

Танд эмэгтэй хvмvvсийн дунд хамгийн их ажиглагддаг хувцаслалтын 14 алдаанаас хэрхэн сэргийлэх талаар зєвєлгєє хvргэе.

1. Арьсны тань єнгєтэй vл нийцэх єнгийн хувцас бvv ємс. Энэхvv алдаа таныг тааламжгvй байдалд оруулж мэднэ. Та єєрт тохирохгvй єнгийн хувцас ємссєнєєр цонхигор, эсвэл наснаасаа хєгшин харагдаж болзошгvй. Харин зєв сонгосон єнгє гоо сайхныг тодруулж, нvvр царайг тань илvv эрvvл, єнгєлєг харагдуулна.2. Эрс тэс єнгийн материалаар хийгдсэн хувцас бvv ємс. Тухайлбал євєл ємсєх дулаан хувцасны материал илvv нягт, бvдvvн утсаар хийгдсэн, хvнд байдаг бол зун ємсєх хувцасных байгалийн утсаар хийгдсэн, давхар биш, хєнгєн нимгэн байдаг. Эдгээр материалууд хоорондоо зохицох нь ховор. Тиймээс таагvй байдалд орохгvйн тулд аль нэгийг нь сонгох хэрэгтэй.

3. Хэт бариу хувцас бvv ємс. Энэ нь хєхний даруулга, дотуур хувцасны шугамыг нэвт харагдуулдаг. Єєрт яг таарах дотуур хувцас сонгохыг хичээгээрэй.

4. Єдєр тутмын хувцсандаа хэт дасч болохгvй. Та орчин, нєхцєл байдалдаа тохируулж хувцаслах ёстой бєгєєд бага зэргийн тааламжгvй байдлыг мэдэрч болно. Гоёл чимэглэлд хэт дурлах хэрэггvй. Vvний гол зориулалт нь ємссєн хувцсыг тань амьдруулж, стиль, имижийг тань тодруулж єгєх явдал юм. Моодны цvнх, гутал, зvvлт нь хувцастай vл зохицвол этгээд, тэнэг харагдана.

5. Гялалзаж гялтгасан зvйлд нэг их дурлах хэрэггvй. Ялангуяа эдгээр гялтганасан зvйл нь бусдын анхаарлыг татахыг хvсэхгvй байгаа хэсэгт байвал битгий ємс. Тухайлбал зvvлт, сондортой цамц бусдын анхаарлыг цээж рvv тань татдаг. Тиймээс та том хєхтэй бол ийм хувцас бvv ємсєєрэй.

6. Багадсан хувцас бvv худалдан ав. Та тэртэй тэргvй турахгvйгээс хойш богинохон ханцуйтай, товчлогддоггvй куртка, пиджак авах хэрэггvй. Та авсан зvйлээ ємсєхгvй бол сонирхол тань амархан буурна. Тиймээс єєрт таарахгvй зvйл худалдан авах гэж яарсны хэрэггvй.

7. Энд тэндээс цуглуулсан, хутгалдсан юм бvv ємс. Зарагдаад ганц vлдсэн зvйл худалдан авах нь тєсєв, хэмнэлтийн vvднээс vзэхэд таатай зvйл ч хувцас сонгохдоо тоомсоргvй хандсанаар та єєрийнхєє стилийг гутааж буй хэрэг билээ.

8. Нэг материалаар хийгдсэн хувцас авах гэж хvчлэх хэрэггvй. Хэрвээ та хєлєєс толгойгоо хvртэл нэг л хэвийн хувцасласан бол дэгжин харагдахгvй л болов уу.

9. Та имижээ эрс єєрчлєхєєр шийдсэн бол биед таарсан, дуртай хувцсаа ємсєхєєс татгалзах хэрэггvй.

10. Гоо сайхны бараа хэт их хэрэглэх хэрэггvй. Гоо сайхны тунг хэтрvvлснээр таны vрчлээ, нvvрний єє сэв улам тодрох болно. Єдєр тутмын хєнгєн нvvр будалт, vдшийн хурц будалт хоёрын зааг ялгааг гаргаж будах хэрэгтэй

11. Хумсан дээрх vлдэгдэл лакаа арилгахаа мартаж болохгvй. Лак нь хумсыг арчилгаатай, цэвэр харагдуулахаар бvтээгдсэн зvйл. Хэрвээ та хумс арчилгаандаа анхаарахгvй бол ариун цэврийн энгийн дvрмийг баримталдаггvй хvн мэт харагдана шvv.

12. Vс засалтандаа анхаар. Vс засалт таны нас, нийгмийн статус, боловсрол, хєрєнгє мєнгєний байдал гээд олон зvйлийг эргэн тойрныхонд хэлж єгч байдаг. Тиймээс vсчинд байнга очиж, vс засалтаа шинэчилж байгаарай. Хэрвээ vсчин таны vсийг нэг л хэвийн засаад байвал єєрчлєхийг эрмэлзэх хэрэгтэй.

13. Хувцсандаа vл тохирох гутал бvv ємс. Гутал тань таны стильтэй зохицох ёстой.

14. Гутал, ємд, банзалтай vл тохирох трико бvv ємс. Триког сандаальтай ємсєх хэрэггvй. Хэрвээ сандааль хєл холгоод байвал єнгєгvй. тунгалаг оймс ємсєєрэй.

Дэлгэрэнгүй...

Эрчүүдийн эрүүл байх 10 дүрэм


1.Өндөр нягтрал бүхий уураг НDL-ийг байнгa хэрэглэх. Энэ нь зүрх судacны өвчнөөс сэргийлдэг.

2.Санаа сэтгэлээ ойлголцсон, бие биедээ үргэлж тусалдаг хоёр сайн найзтай байх. Гэхдээ тэр хоёр найз нь хамт ажилладаг биш, айл хөрш болон багш дасгалжуулагч биш байх ёстой. Эрчүүдэд дотно нөхөрлөл нь урт наслалтыг авчирдаг байна.


3.Өглөө босох бүрдээ ажилдаа яарч, ажлаа тарах бүрдээ гэр лүүгээ яардаг байх. Ийм эрчүүд зүрхний өвчинд нэрвэгддэггүй.

4.PSA буюу үрийн нальхайн булчирхайн эсрэг биет 2.5 мг буюу түүнээс бага байх. Ийм үзүүлэлт бүхий эрс үрийн шингэний булчирхайн хорт хавдраар өвддөггүй.

5.30 минутад 3 км замыг явганаар туулж байх. Энэ нь эрүүл чийрэг эрчүүдийн ерийн үзэгдэл юм.

6.Мөр бугалгын хүч чадлын харьцаа тэнцүү байх. Тодруулбал, 25 кг-ийн туухайг 10 удаа татаж чадвал мөн хэмжээний түлхэгчийг 10 удаа түлхэж чадна гэсэн үг.

7.Нүүрний өргөн уртын харьцаа зохистой байх. Энэ нь амьсгалын болон эрүү шүдний өвчний дархлаа сайтайг харуулна.

8.Өөд газар мацаж сурах. 5 км замыг өөд газар гүйж туулах хэрэгтэй. Өөд газар ингэж мацаж сурах нь тэсвэр хатуужлын шалгуур болно.

9.Зүүнд утсыг нэг л үйлдлээр сүвлэдэг байх. Энэ нь мэдээж нүдний хараа согоггүйн шинж.

10.Таны зүүн баруун хоёр тал буюу хоёр чих, хоёр гар, хоёр хөл адил тэнцүү эсвэл хоорондын нэг мм-ийн зөрүүтэй байх. Энэ нь бие бялдрын хувьд төгс эрийн шинж юм. Ийм эрчүүд хүч чадалтай, уян хатан хөдөлгөөнтэй төдийгүй өөрийгөө орчиндоо зохицуулан удирдах мэдрэмжээрээ бусдаас давуу байдаг байна.
Дэлгэрэнгүй...

Хүйтний улиралд уруулаа арчлах тухай.


Гадны хахир хүйтэн, доторхи хуурай халаалтын агаар ньуруулын эмзэг арьсанд маш их ачаалал өгдөг. Хичнээн тослож арчилсан ч хуурай, хагарсан чигээр байгаад байх үеэд хэрхэн яаж эмчилж, арчлах талаар зөвлөж байна.
Уруулын маш эмзэг энэ арьс ямар цаг агаарын үеэд хамгаалалтгүй ил байх болдог. Уруулын арьс нь тос болон чийгшүүлэлтээр хангагдаж байхын тулд тосны болон усны сүвүүдтэй байдаг.Түүний эвэрлэг давхарга маш нимгэн төдийгүй өнгөний пигмент маш бага байдаг учир гадны элдэв нөлөө болон нарны хэт ягаан туяанаас хамгаалахдаа муу байдаг байна.

Түүнээс гадна ялангуяа өвлийн улиралд хэт халаасан өрөөний агаар , гадний огцом хүйтэн 2-т үргэлж солигддогоос хамгаалах үйл ажиллагаа нь маш хурдан барагддагаас болж уруулын арьс хуурай, арзгар болж хагардаг байна. Ихэнхи уруул арчлах тоснууд нь үргэлж түрхэж шаардлагатай байх боловч тэр болгон бүрэн гүйцэд арилгаж чаддаггүй. Ийм ихэнхи бүтээгдэхүүнүүд нь тур зуурын тааламжтай мэдрэмж төрүүлэх боловч тодорхой хугацааны дараа уруулын арьс хуурай үлдэж дахиад л тослох шаардлагатай болдог.
Уруулаа арчлах нь муу зуршилтай болгодогуу?

Уруул тослогч буюу арчлах үргэлж хэрэглэх шаардлагатай боловч дахин тослохоос аргагүй бол улам хуурай, хагарсан хэвээр байгаад байна гэдэг бол уруулыг муу зуршилтай болгодог.
Үүний эсрэг Германы Вичи үйлдвэрийн эрдэмтэд буцаан тослогжуулах бодисын орц ихтэй бүтээгдэхүүн хэрэглэхийг зөвлөж байна. Үүнд Каритэ болон чангаанзны цөм яснаас гаргаж авсан тос ордог байна. Каритэ тос нь хүний уруулын өөрийнх нь тостой адил төстэй байдаг учир маш сайн нөлөө үзүүлдэг байна.

Худалдан авахдаа анхаарах зүйлс:
Бүтээгдэхүүний орцонд аль болох их хэмжээний дээрхи бодис агуулагдах тусмаа сайн байна. Мөн эмзэг, харшилтай хүмүүс бол аль болох өнгөний болон савлахад хэрэглэдэг бодис ороогүй бүтээгдэхүүн сонговол зохимжтой.
Дэлгэрэнгүй...

Тархины тухай сонирхолтой баримт


Хэрэв бидний биеийн бүх эртнүүдийн үйл ажиллагааг 100 хувь гэж үзвэл үүний 90 хувийг шахуу тархины үйл ажиллагаа эзэлдэг. Чухамдаа бид явж байна, бид унтаж байна, бид сэтгэж байна, бид санаж байна, бид идэж байна….. бүгд тархины зохицуулалтаар үйлдэгдэж буй үйлдлүүд.
Тэгвэл тархи гэж яг ямар эрхтэн байдаг юм бэ? Түүний бүтэц, үйл ажиллагаа хэрхэн явагддаг юм бол?
Тархины талаар та бид юу мэдэх вэ?
1990 онд АНУ-ын конгресс, Европын холбооны парламентийн шийдвэрээр ирэх 10 жилийг (1990-2000) тархины 10 жил болгохоор шийдсэн юм. Энэ үеээс барууны эрдэмтэд тархины талаарх цоо шинэ баримт, нээлтүүдийг гаргаж тавьсан. Хэдийгээр тархи нь өнөөгийн түвшинд нэвтэрхий судлагдаж чадаагүй боловч бодит байдлын талбарт буулгаж үр дүнг хүртэх хэмжээнд хангалттай судлагджээ. Тархинд явагдах сэтгэх үйл нь химийн урвал, соронзон бичил долгионууд, эсүүдийн тусламжтай явагддаг гэж мэдэгдэж байгаа боловч зөн совин, гоц мэдрэмжүүд хэрхэн явагддагийг сайн тайлбарлаж чадаагүй л байна. Гэхдээ үүнийг нэрт онолын физикч Рожер Пенроуз сүүлийн үеийн квант физик, онолын математикт гарсан нээлтүүдийг ашиглаж тайлбарласан нь шуугиан тариад байна. Тархи судлалын бүх эрдэмтэд тархийг дэлхий дээр байгаа бүх супер болон энгийн бүх компьютерийг нийлүүлснээс ч хэд дахин илүү хүчирхэг гэдэг дээр санал нийлдэг. Хан боргоцойноос томгүй 1,5 кг жинтэй энэ супер компьютер хүн болгонд байдаг. Энэ гайхамшигт аварга компьютер юу чаддаг, яавал ажилладаг, яагаад супер гэж хэлэгдэж байгааг тайлбарлая.

Бидэнд тархи яг ямар бүтэцтэй нь чухал бус биш харин тархи яаж ажилладаг, ямар зүйлээр хооллодог, ямар үр дүн гаргаж чаддаг нь чухал билээ. Тиймээс тархины сэтгэх, сэдэх, санах, амрах, хооллох зэрэгт анхаарлаа төвлөрүүлнэ.
Тархи юунаас бүтдэг вэ?
Нейрон буюу эсээс бүрэлдэнэ. Эс(нейрон) нэг бүр нь компьютертай адил ажиллана. Эс бүр нь бусад эстэй холбоосууд үүсгэж, цахилгаан болон химийн мэдээлэл илгээдэг. Мөн нэг бүр нь маш нарийн төвөгтэй бүтэцтэй, наймаалжтай төстэй. Өөрийн гэсэн төв ба салаануудтай.

Салаа хэсэг бүр нь холбоосын олон цэгтэй.
1.Дендрит-тэмтрүүл хэлбэртэй, мэдээллийг хүлээн авах, хадгалах, бусад эсүүдийнхээ дендриттэй холбогдох үүрэгтэй
2.Аксон-мэдээлэл, дохио дамжих үндсэн зам. Мөн бусад эсүүдэд мэдээлэл дамжуулах үндсэн гаралт юм
3.Эсийн цөм
4.Аксоны үзүүр.
Бүх дендритүүд нь тархины хэсгүүдийг холбодог ойролцоогоор 900 миллиард глиаль эсүүдийн сүлжээгээр хүрээлэгдсэн байдаг. Глиаль буюу холбогч эсүүд маш чухал үүрэгтэй. Эдгээр глиаль эсүүд хэр зэрэг сайн хөгжсөн, хэр олон байгаагаас шалтгаалж таны сэтгэх хурд тодорхойлогдоно. Глиаль эсээ аль ч насны хүн хөгжүүлж болох нь туршилтаар батлагдсан.

*
Ялааны тархи 100 мянган эсээс
*
Хулганы тархи 5 сая эсээс
*
Сармагчны тархи 10 тэрбум эсээс
*
Дөнгөж төрсөн хүүхдийн тархи 100 тэрбум эсээс бүрддэг.

Төрснөөс эхлэн хүүхдийн тархины эсүүд нь өөр хоорондын шинэ холбоосууд буюу синаптикуудыг секундэд 3 тэрбумаар нь бий болгож байдаг. Ялангуяа 0-3 насанд хүүхдийн тархин дахь эсүүдийн шинэ холбос хамгийн эрчимтэй явагддаг.Доорхи зурганд 6 сартай хүүхдийг тодорхой хөтөлбөрөөр хөгжүүлж 24 сартай болох үед нь авсан зургыг харьцуулсан байна. Хүүхдийн оюуныг аль болох багаас нь хөгжүүлбэл үр дүнтэй гэдгийг Францын тархи судлаач нар баталсан.

Эсүүдийн шинэ холбоосууд хүний мэдээлэл дамжуулах, сэтгэх хурдыг улам ихээр нэмэгдүүлдэг. Хүний уураг тархи нь нэг триллион эсээс бүрдэнэ. Yүний аравны нэг нь идэвхитэй эс юм. Зөвхөн нэг эс гэхэд өөр бусад 10000 гаруй эсүүдтэйгээ холбогдож чаддаг байна. Жишээ болгоход сүлжээнд 1ш гар утас байвал огт ашиггүй, харин сүлжээн дэхь утасны тоо 2, 3,…100 гэх мэт нэмэгдсээр 10000 болох үед таны утас жинхэнэ хэрэглээнд очно. Тэгэвэл нэг бүр нь 10000 гаруй бусад эсүүдтэйгээ холбогдож чаддаг, тэгээд нэг триллион ширхэг эсүүдийн нэгдэл болсон уураг тархи хэмээх ийм аварга сүлжээн доторхи мэдээлэл тархах хурд, шинэ холбоос шинэ снаан үүсгэх боломж хэмжээлгшүй их юм. Таны нэг л эс гэхэд нээлт хийх, шинэ санааг ганцаараа үүсгэх боломжтой нь батлагдсан.
Мэдрэлийн эсийн холбоос үүсэх боломжийн тоо нь Ертөнц дээрх атомын тооноос ч давна.

Та үүнд итгэх үү?
Тархины 10 эс авъя. Эсүүдийг байж болох бүх хувилбараар холбоход 3,628,800 төрлийн хослол үүснэ.
Хэрэв 11 эс авбал үүсч болох хослолын тоо 39,916,800.
Харин 10 тэрбум эсийг янз бүрээр хослуулан тооцож үз. Хэд гарах бол?
Тархины хэсгүүд
Энэ зурагт насанд хүрсэн хүний дундаж тархины эгц дээрээс болон баруун талаас нь авсан байдал харагдаж байна.

*
Доод тархи буюу уураг тархины суурь.
*
Тархины төв хэсэг
*
Дээд тархи
*
Бор давхарга гэсэн үндсэн 4 хэсэгт тархийг хувааж тайлбарлая. Доод тархи: Амьсгал, зүрхний цохилтын үйл явц зэрэг төрөлхийн олон инстинкт үйл явцыг удирддаг, мөн нугаснаас ирсэн мэдээллийг дээш нь дамжуулдаг.Төв хэсэг: Сэтгэл хөдлөлийг удирддаг ба тархины суурийг хүрээлж байдаг. Ихэнх мэдээллүд энд зангидагддаг.Дээд хэсэг: Сэтгэх, ярих, бүтээн туурвих чадварыг хариуцдаг хоёр тал бөмбөлгөөс бүрддэг. Тал бөмбөлөг тус бүр өөр өөр үйл ажиллагаа явуулдаг. Мэдээллийг өөр өөр арга хэлбэрээр боловсруулдаг.
Тархины гадна хэсгээр бүрхэж байрладаг. 3 мм зузаантай 6 дэд давхраатай Тархины бор давхарга дараах чадваруудыг хариуцдаг: Хоёр хөл дээрээ босоо явах, Гарынхаа эрхий, долоовор хурууг зөрүүлэн барих, Ярих, бичих, Аман яриаг ойлгох, Унших. Суутнуудын тархины бор давхарга энгийн хүнийхээс илүү аржгар, атираа ихтэй байдаг байна. Хэдий чинээ аржгар, атираа их байна тэр хэмжээгээр бор давхаргын талбай ихэснэ, тэр хэмжээгээр эсүүдийн тоо болон холбоос олширно…тиймээс л суут ухаантан хэмээн нэрлэгдэнэ.

Хэрэв уураг тархинд зүсэлт хийж харвал тархины сууринд “эртний давхраа” хэмээх гүрвэл, матар, шувууны тархитай ихээхэн төстэй давхрааг олж үзнэ. Иймээс ч эрдэмтэд “хэвлээр явагчдын эртний тархи” гэж нэрлэсэн байдаг. Тархины энэ хэсэг нь жирийн боловч чухал үйлдлүүд болох амьсгал, зүрхний агшилтын давтамж зэрэг олон төрөлх инстинктийг хариуцдаг. Жишээлбэл зам дээр сууж байгаа шувуу хүн ойртохоор нисээд явчихдаг. Учир нь шувууны “хэвлээр явагчийн” гэдэг нэртэй тархинд амиа хамгаалах төрөлхийн код байдаг учраас тэр.

Тархи цацаргасан бүтэцтэй болох нь
Доор харж буй зураг бол Science сэтгүүлийн 1996 оны шилдэг зургаар шалгарч байсан бүтээл. Осолд орсон нэгэн эмэгтэйн тархины бүх цусыг асар богино хугацаанд соруулж аван оронд нь тусгай шингэн хийж авсан зураг. Тархины эд, эсүүдэд очиж буй цусан хангамж цацаргасан бүтэцтэй болох нь илт байна. Эсүүд ч бас өөр хоорондоо холбогдож цацаргасан бүтэц үүсгэдэг.Тархинд өрнөж буй процес, дамжиж буй мэдээллүүд, тэр ч бүү хэл тархи маань өөрөө бүхэлдээ цацаргасан бүтэцтэй. Дээр өгүүлсэнчлэн тархи бол чөлөөт нейронуудын эцэс төгсгөлгүй орооцолдсон холбоост бүтэцтэй байдаг. Энэхүү бүтцийн цаана хүний Задгай Сэтгэлгээ нуугдаж байдаг. Өөрөөр хэлбэл, задгай сэтгэлгээ бол хүнд заяагдмал шинж юм.

*
Задгай Сэтгэлгээ гэдэг нь аливаа зүйлийн үндсэн санааг олон талаас нь задлаж холбон хэлхэх байдлаар сэтгэх үйл явц мөн.
*
Задгай Сэтгэлгээ нь хувь хүний оюуны дахин давтагдашгүй чанарыг нээн илэрхийлэх арга ухаан мөн. Хэн нэгнийг даган дууриах бус өөрийнхөө сэтгэлгээний модыг тарьж ургуулаарай.

Санах сэргээх
Хуулбарлагч төхөөрөмж болохын хувьд тархи бол юутай ч харьцуулшгүй илүү юм. Та болж өнгөрсөн ямар нэг зүйлийг санахгүй байгаа гэдэг бол яг үнэндээ та тархинаасаа тэр мэдээлэлийг олж чадахгүй байна гэсэн үг. Тархи бол өөр рүүгээ орж ирсэн бүх мэдээлэл өгөгдлийг хадгалах чадвартай. Хэрэв таныг мэддэг бүх бөөрөнхий хэлбэртэй зүйлсээ хэл гэвэл алим, зүрж, бөмбөг, усан үзэм зэргийг та ой тогтоолтынхоо “бөөрөнхий зүйлсийн модноос” сугалан авч нэрлэнэ. Тархи ингэж номын сан шиг мэдээллийг төрөлжүүлж байдаг. Хэрвээ бидний уураг тархи “тайвширсан анхаарлын” нөхцөл байдалд байгаа бол бид мэдээллийг хавьгүй хурдан, үр дүнтэйгээр “шингээж авч” чадна хэмээн олон судлаачид дүгнэж байна. 1998 оны 10 сарын 2-ны өдрийг ихэнх монголчууд сайн санаж байдаг байна. Тэр өдөр С.Зориг агсан нас барсан болхоор бидний ой ухаанд тэр үйл явдал үлджээ. Ямар нэгэн баярт үйл явдал, эсвэл гэнэтийн үйл явдлыг тархи хадгалаад, дараа нь маш сайн сэргээж чаддаг байна.

Давтах, үр дүнтэй аргууд, бодлого тестүүдээр тархиа тасралтгүй дасгалжуулах нь эсүүдийн хоорондох холбоосыг улам чангаруулж, синаптик холбооны зай ойртож ингэснээр цахилгаан химийн дохионууд эсүүдийн хооронд улам сайн дамждаг. Таны амжилт олох эсэх нь тархитай шууд холбоотой, харин сайн юмуу муу тархины үндсэн ялгаа нь эсүүд, тэдгээрийн холбоос, синаптик зай, глиаль эсээс хамаардаг. “Үргэлж хэрэглэгддэг түлхүүр гялалзаж байдаг” гэж Б.Франклины хэлснийг санаж яваарай. Тархи энергийг үндсэндээ хоол хүнснээс авдаг. Насанд хүрсэн хүний хувьд тархины жин нь биеийнх нь жингийн дөнгөж хоёр хувь орчмыг эзэлдэг. Гэвч тархи нь өөрийн бие организмын ялгаруулж байгаа энергийн 20 орчим хувийг зарцуулдаг байна.

Тархийг ажиллуулахын тулд хүчилтөрөгч болон тэжээллэг бодисууд зайлшгүй чухал. Тархиг нэрлэхдээ “уураг” хэмээх үгийг оржуулж байгаа нь шалтгаантай. Уураг нь нүүрс ус, өөх тос гэх мэтийн өөр бусад олон бодисуудаас тархины хамгийн гол тэжээл юм. Тийм ч учраас тархи судлаач нар загас, далайн байцаа, түрс, адуу болон үхрийн мах, мөн ангийн махыг тархины хоолоор нэрлэж байна. Хэрэв уураг тархийг чанар муутай, эрүүл бус хоол хүнсээр хангаад байвал ажиллагаа нь сулардаг. Иймээс хэрэглэж байгаа хоол хүнсээ сайжруул. Тэгвэл таны “байгалийн компьютер” тун сайн ажиллах болно.
Таны тархинд ямар мэдээлэл орно, та тийм л болно. Таны тархи юу иддэг вэ, та өөрөө тэр л зүйл болно.
“Хэрэглэгдэхгүй байгаа зүйл мууддаг, тэгсгээд хаягддаг” хэмээх үнэн үг нь хүний, тархинд ч хамаатай.
Дэлгэрэнгүй...

Бид яагаад санадаг вэ? , бид яагаад мартдаг вэ?


Хүний тархины мэдээлэл хадгалагдах, эргэн санах ой гэдэг сэтгэгдэл, мэдрэмжтэй салшгүй холбоотой юм. Нэг ёсондоо бидэнд гүн сэтгэгдэл үлдээсэн бүх зүйлс бидний санаанд тодоос тод хадгалагдан үлддэг. Түүнийг хэзээ ч арилгаж болохгүй. Бидний тархи ийм л хүчирхэг зүйл.Тэгвэл хүн яагаад мартдаг вэ? бидний сэтгэлд хангалттай мэдрэмж түрүүлээгүй, бидний анхаарлыг татаагүй зүйлсийг бүгдийг нь мартдаг. Яг энэ үүднээс хүний ой тогтоолтыг тайлбарласан эрдэмтэд аливаа зүйлийг сайтар тогтоохын тулд юу хийх шаардлагатай талаар сонирхолтой зөвлөмж гаргажээ.

1. Өнгө. Өнгө гэдэг маш содон бөгөөд хүний сэтгэлд тэр хэмжээгээрээ хүчтэй нөлөөлж чаддаг. Иймд аливаа зүйлийг тогтоохдоо өнгийн харандаагаар тэмдэглэж, өнгийн цаасанд дээр бичиж тогтоогоод үзээрэй.

2. Түр зуурын амралт. Насанд хүрсэн хүний тархины анхаарал төвлөрөлт сайн, үр бүтээлтэй байх хугацаа 25 минут л байдаг байна. Ийд аливаа тогтоох зүйлээ 20-30 минут давтаад 10 минут амрах хэрэгтэй. Ингээд амс хийсэн 10 минутанд хүний тархины ажиллагаа буцаад хэвийн байдалдаа орж чаддаг гэнэ.

3.Таны тархи хичнээн хурдан эрчимтэй хичээллэнэ тэр хэрээр сайн тогтоох болно. Хэсэг зуур унтаад авъя гэж бүү бодоорой. Ингэвэл чи өөрийн тогтоосон бүх зүйлээ устгах болно. Аливаа нэг сэдвээ заавал дуусгаж байж амрах хэрэгтэй.

4.Таны тархи мотор л гэсэн үг. Иймд шатахуун сэлбэх хэрэгтэй. Нэг ёсондоо өлсгөлөн байж аливаа зүйлийг тогтооно гэж санасаны ч хэрэггүй гэсэн үг.

5. Алива зүйлийг сайтар тогтоохын тулд мөн ус, шингэн зүйл маш сайн хэрэглэх хэрэгтэй. Хичээл тавтаж байхдаа шингэн зүйл ууж тархиа цэнэглэж бай.

6.Бидний тархи асуултанд дуртай. Тэр их сониуч. Тиймд хичээлээ судлаж байхдаа сайн асуулт тавьж түүндээ хариулт олох маягаар хичээллэх нь маш үр дүнтэй, илүү хурдан байх болно.

7.Тархи бие хоёр холбоотой. Бие тань унжигар байх юм бол тархи тагаад л эрч хүчгүй болно. Иймд хамгийн тавтай сандал сонго.

8.Мэдээж таны тархинд хүчилтөрөгч хэрэгтэй. Иймд үргэлж нэг өрөөнд удаан суухын оронд гадагш гарангаа цээжилсэн зүйлээ бататга.

9.Тархи маш хурдан ойлгох чадвартай. Тиймд чи хурдан уншдаг байх нь цаг хэмнэнэ. Иймд ном уншихдаа харандаа эсвэл хуруугаа ашиглан дагуулж унших нь хурдан дээр нь үр дүнтэй.

10. Хөдөлгөөн. Энэ бол маш чухал. Аливаа зүйл судлаж байхдаа нэг дор суугаад байх бус хөдөлгөөнтэй байх нь тархи сэргэг байхад тустай юм. Иймд өрөөндөө холихох ч юм уу ? ямар нэгэн байдлаар үе үе хөдөлгөөн хийж байх хэрэгтэй.

11. Аливаа зүйлийг судлаж байх үедээ шинэ мэдээллээ хуучин мэдлэгтэйгээ холбо. Ингэх нь уг мэдээллийг мартахгүй санахад хэрэгтэй юм.

12. Хөгжилтэй зүйлс тархинд шинэ хүч өгдөг. Иймд суралцах үйл явцаа хөгжилтэй сонирхолтой байдлаар зохион байгуулаарай.
Дэлгэрэнгүй...

MP3 ба эрүүл мэнд


Сүүлийн үеийн залуусын өдөр тутмын амьдралын нэгэн салшгүй хэрэглээ бол MP3, IPod болсон. Цаашид ч энэ төрлийн бүтээгдэхүүн хэрэглэгчдийн тоо өсөх хандлагатай байгаа. Үүний дээр хэрэглэгчдийн дийлэнх хувь нь залуучууд байдаг. Гэтэл MP3, IPod хэрэглэгчдийн хувьд сэтгэл түгшээж байгаа нэг асуудал нь сонсоголын эрхтний гэмтэл болоод байгаа. Гэмтэл үүсгэж байгаа гол нөхцөл нь MP3, IPod хэт чанга сонсох явдал юм.MP3, IPod хэрэглэгчдийн дунд хийсэн судалгаагаар 100 хэрэглэгчээс 78 нь MP3-ынхаа дууны сонсогдох түвшинг 85 дицбелээс чанга дээр сонсдог гэж гарсан байна.
Гэтэл Дэлхийн эрүүл мэндийн байгууллагаас гаргасан баримтаар 85 дицбелийн хэмжээний чанга дээр нэг цаг чихэвчээр хөгжим сонсоход л сонсголын эрхтэн гэмтдэг байна.

Энэхүү аюултай гээд байгаа хэмжээг бусад төрлийн дуу чимээтэй харьцуулсан үзүүлэлт ч таны анхаарлыг татах байх.

20 дицбел- шөнийн чив чимээгүй байгаа унтлагын өрөөний чимээний түвшин
60 дицбел- хүмүүсийн жирийн харилцан ярианы чимээний түвшин
70 дицбел- хөдөлгөөн, шуугиантай гудамжны чимээний түвшин
110 дицбел- онгоц буух үеийн чимээний түвшин
Гэтэл өнөөдөр зарим үйлдэрлэгдэж байгаа MP3, IPod-ны чангаруулагчийн дээд түвшин 105 дицбелтэй байдаг.
Үүнээс үүдэн сүүлийн үед дэлхийн эрүүл мэндийн байгууллагуудын зүгээс MP3, IPod үйлдвэрлэгч нарт хэрэглэгчдийнхээ эрх ашгийн үүднээс бүтээгдэхүүндээ өөрчлөлт хийхийг ч шаардаж байгаа. Чухамдаа үйлдэрлэгч нар хэрэглэгчийн эрүүл мэндэд аюултай түвшин гэх анхааруулгыг бүтээгдэхүүнийхээ зааварт оруулж өгөх, эсвэл аюултай хэмжээнээс дээш чангарах нөхцөлтэй бүтээгдэхүүн үйлдвэрлэхгүй байх явдал юм.

Хэрэв танаас метрын зайд байгаа хүн таны чихэвчний шуугианыг сонсож байгаа бол та 85 дицбелийн хэмжээг нилээд хэтэрсэн байгаа хэрэг бөгөөд өөрийн сонсголын эрхтнээ тэр хэрээр эрсдэлд оруулж байгаа хэрэг гэдгийг анхаараарай.
Дэлгэрэнгүй...

Та одоо хумсаа хараад өөрийгөө ямар өвчинтэй болохыг мэдэж болох нь ээ


Хүн гэж их өвөрмөц хийгээд энгийн нэгэн амьд организм. Өдөр хоног өнгөрөх тусам хүн өөрөө өөрийнхөө содон, сонин, энгийн гэмээр ч юм шиг, бас худлаа гэж хэлмээр ч юм шиг зүйлүүдийг нээсээр л байна. Шинжлэх ухаан хөгжихийн хэрээр сонирхол татам судалгаанууд ар араасаа хөвөрсөөр л байна. Маш цайвар хумс:
Настай хүмүүс ихэвчлэн цайвар өнгөтэй хумстай байдаг байна. Гэвч цайвар хумстай хүмүүс:

* Цус багадалтай
* Зүрхний дутагдалтай
* Чихрийн шижин
* Элэгний өвчим
* Хоол тэжээлийн хомсдол гэсэн эмгэгүүдтэй байх магадлалтай.

Цагаан хумс-энэ хумс нь зах ирмэгээрээ бараандуу өнгөтэй байдаг ба элэгний өвчинтэй хүмүүс ийм хумстай байдаг.

Шар хумс-Хумс нь шарлаад зузаарсан байдаг бөгөөд ийм хумстай хүмүүс бамбай булчирхайн өвчин болон хайрст үлдээр өвчсөн байх магадлалтай.

Хөхдүү хумс-Бие махбодид хүчилтөрөгч дутагдасний шинж тэмдэг гэдэг бөгөөд хөхдүү хумстай бол уушигний үрэвсэл өвчинтэй байна.

Долгионтой хумс-хайрст үлд, үений үрэвсэлт өвчинтэй

Хагарсан гэмтсэн хумс-бамбай булчирхайн өвчний үед хумс шарлах, гэмтэх зэрэг шинжүүд илэрдэг
Дэлгэрэнгүй...

Хүн бүрд таалагдах гэж хичээх хэрэггүй


Энэ бол хэзээ ч бүтэхгүй зүйл гэдэг нь тогтоогдсон. Чи өөрийн үйлдэл, аливаа шийдвэрийг яаж ч эелдэг сайхнаар тайлбарлаж болно. Гэхдээ царайчлах хэрэггүй. Учир нь чи хэний ч өмнө хариуцлага хүлээх шаардлагагүй шүү дээ. Нэг. Дургүй байгаагаа шууд хэлж сур!
Тааламжгүй асуудалд алтан дунджийг баримтлаж "эвгүй ч юм уу" гэх мэтийн эргэлзэж тээнэгэлзсэн байр сууринаас ханддаг бол чи өөрөө л хохирно.

Хоёр. Хүн бүхэнд таалагдах гэж хичээх хэрэггүй!
Энэ бол хэзээ ч бүтэхгүй зүйл гэдэг нь тогтоогдсон. Чи өөрийн үйлдэл, аливаа шийдвэрийг яаж ч эелдэг сайхнаар тайлбарлаж болно. Гэхдээ царайчлах хэрэггүй. Учир нь чи хэний ч өмнө хариуцлага хүлээх шаардлагагүй шүү дээ.

Гурав. Ухаантай харагдах гэж бүү зүтгэ!
Ухаантай ярьдаг, ойлгомжтой тайлбарладаг хүнийг хүмүүс их хүндэлдэг. Гэхдээ хэр зэрэг үнэмшилтэй ярьж чадна, тэр хэрээр хүмүүс чамд итгэнэ гэсэн үг биш. Учир нь чамайг чин сэтгэлээс ярьж байгаа гэдэгт зарим нь эргэлзэнэ. Тиймээс өөрийн санаагаа шууд илэрхийл. Эвгүй, бусдыг хүндлэхгүй мэт санагдаж болно. Гэвч "чадахгүй", "хүсэхгүй байна" гэж шууд хэлэх нь өөрт чинь болон өрөөлд маш хэрэгтэй. Эргэж буцсан, өөрөө сүүлдээ ороогдож мэдэх элдэв шалтаг бүү тооч.

Дөрөв. Санаанд нийцсэн зүйлээ л хий.
Бусдад таалагдаж үнэлгээ авах зорилгоор аливаа үйлдэл хийдэг хүмүүс бий. Ийм хүмүүс өөрөө ч мэдэлгүй бусдад яршиг түвэг учруулдаг. Үүнээс зайлсхийхийн тулд бид хэр тухтай байна, тэр хэмжээгээр хүмүүст ч бидэнтэй харилцахад тааламжтай байх болно гэдэгт итгэ.
Дэлгэрэнгүй...

Та айлын хэд дэх хvvхэд болж тєрсєн бэ?


Айлын хvvхэд бvхэн єєрийн намтар тvvхтэй. Жишээ нь айлын ууган хvvхэд, дунд хvvхэд, отгон хvvхэд, бас айлын ганц хvvхэд ч гэж байдаг. Та чухам аав ээжийнхээ хэд дэх хvvхэд нь болж тєрсєн бэ. Энэ нь таны зан vйл, аж байдалд их нєлєєлдєг байна.

"Айлын ууган хvvхэд"
Айлын ууган хvvхдvvд тєлєв тєвшин буурь суурьтай, хашир хянамгай, найдвартай байдаг. Хэрэв та айлын ууган хvvхэд бол танд баяр хvргэхээс єєр аргагvй. Учир нь хvмvvс тэднийг хvндэлдэг, итгэж найддаг, бас танаас бага зэрэг эмээдэг. Тийм ч болоод айлын том хvvхдvvд єндєр албан тушаалд томилогдох нь олонтаа тохиолддог байна. Тэдний ажил vйлс нь єєдрєг, бvтэмжтэй байдаг. Тэд зохион байгуулах ховор авъяастай. Гэхдээ бусдыг захиран тушаах дуртай байдаг. Энэ дутагдал нь тvvнийг бусадтай эвдрэлцvvлж болзошгvй. Ууган хvvхдvvд амьдралд хэтэрхий бодитой ханддаг. Тиймээс юм бvгдийг сэтгэлдээ маш эмзэг хvлээн авдаг. Амиа хорлосон хvний дийлэнх нь айлын хамгийн том хvvхдvvд байдаг. Тиймээс айлын ууган хvvхдvvд єчигдрийг биш маргаашийг, амьдралын гуниг зовлонг биш баяр баясгаланг харж амьдрах хэрэгтэй.

"Айлын дундах хvvхэд"
Айлын дундах хvvхдvvдийн хувь заяа гайхалтай байдаг ажээ. Тэд амьдралынхаа дєрєвний нэгтэй тэнцэх хугацааг ах эгч нарын хуучин хувцас, эдэлж хэрэглэж байсан эд зvйлийг хэрэглэж єнгєрєєдєг байна. Айлын дундах хvvхэд vргэлж нєєцєнд байдаг. Эцэг эхчvvд нь анхны ба бага хvvхдээ илvv их хайрлаж халамжилдаг. Гэхдээ сэтгэлээр унах хэрэггvй. Гэхдээ айлын дунд хvvхдvvд амьдрах ухаанаараа хэр баргийн хvнийг урдаа оруулахгvй. Энэ нь хожим тэднийг амьдралд байр сууриа олоход онцгой vvрэгтэй байдаг. Айлын дундах хvvхдvvд заримдаа єєртєє хууль ёсоор ноогдох хувиа ч хvртэл хvртэж чаддаггvй. Иймд тэд бага юмаар ихийг хийж сурсан байдаг. Мєн айлын дундах хvvхдvvд шинийг сэдэгч, зохион бvтээгч, тєрєлхийн инженер хvн. Тэд аавынхаа гэрт машины тав дахь дугуй байсан бол єрх тусгаарлахад машины руль болдог. Анхандаа эцэг эхчvvд нь тэднийг анзаардаггvй. Гэсэн ч яваандаа тvлхvvрийг нь олж тохируулдаг болно. Тийм болохоор дундах хvvхэд болж тєрсєндєє бvv харамс.

"Айлын бага хvvхэд"
Айлын бага хvvхэд хар багаасаа ах эгч нараа аав ээждээ ховлож єсдєг. Хvн бvхэн тэднийг буруутгана. Хэрэв vнэн зєв шийд гаргаж чадахгvй бол цаашид сэтгэл хангалуун амьдарч чадахгvй. Айлын бага хvvхдvvд биеэ дааж сураагvй байдаг. Аав ээж ах эгчийнхээ буянаар бэлэнчилж сурсан, амьдрал vзээгvй учраас тэд нулимс, уур хилэн, гомдол тунирхлаар бvхнийг ялна гэж боддог.

"Айлын ганц хvvхэд"
Айлын ганц хvvхэд зан авир, ааш араншингийнхаа хувьд айлын том хvvхэдтэй яг адилхан байдаг. Єєрєє єєртєє хатуу зарчимч бай. Хожмын амьдралд тань хэрэг болно. Цаг ямагт дураараа авирлаж байдгаа боль.
Дэлгэрэнгүй...

Цээж хорсох нь ходоодны шархлааны шинж тэмдэг


Таны цээж хорсдог уу?
Хоолонд хэт их орж ховдоглох хуурай аргуу хоол идэх, архи, кофе хэтрүүлж ууснаас ходоодны хүчил нэмэгдэж цээж хорсдог. Ходоодны хүчил хэт ялгарснаас цээж хорсож, ходоод гэдэсний хямрал үүсдэг. Үүнийг ходоодны өөрчлөлт гэхээсээ хүмүүст илрэх шинж нь зүрхээр өвдөх мэт санагддаг. Хэрэв хэвтэхэд өвдөлт нэмэгдэж байвал цээж хорсолт байж болно. Байнга эсвэл удаан хугацаагаар цээж хорсдог бол ходоодны шархлаа байж болох юм. Удаан хугацаагаар ходоодны хүчил нэмэгдэх нь ходоод, нарийн гэдэсний архаг шархлаа үүсгэдэг.
Энэ нь ходоодонд архаг заримдаа хурц өвдөлт өгдөг. Ходоодны хүчил ихэдсэнээс хоол идэх, шингэн зүйл, ялангуяа ус уухад ходоодны өвчин намддаг. Хоол идсэнээс хойш нэг цаг орчмын дараа, эсвэл өлөн байх, архи уусан, өөх тостой, халуун ногоотой хоол идвэл өвчин улам нэмэгдэнэ. Шөнийн цагаар өвдөх нь ч илүү. Ходоод нь байнга өвддөг хүнд ходоодны шархлаа байгаа эсэхийг тусгай шинжилгээгээр тогтооход маш хэцүү. Ходоодны шархлаа ноцтой бол бөөлжих, зарим үед цустай, кофены шаар мэт өнгөтэй, боловсорсон хоолоор огиулдаг. Ходоодны шархлаанаас цус алдвал өтгөн хар өнгөтэй гардаг.

Хар өнгөтэй хатуу өтгөнөөр хүндэрнэ
Зарим тохиолдолд ходоодны шархлаа өвдөлтгүй, чимээгүй явагдах бөгөөд зөвхөн хар өнгөтэй, хатуу баас гарснаар л анх мэдэгддэг. Энэ тохиолдолд яаралтай эмнэлэгт хандах хэрэгтэй. Цус алдсанаас хүн эндэж ч болно.

Хэрхэн урьдчилан сэргийлэх вэ?
Цээж хорсох, хоолны шингэц муудах, ходоодны шархлаа үүсэх зэргээс ходоод өвдвөл өвчнийг намдаах, дахин өвдөхөөс зайлсхийж дараах аргыг хэрэглэж болно.
- Хэт их бүү ид. Бага багаар хоолло. Хоолны хооронд хөнгөн зүйл ид. Зөөлөн хоол ид.
-Ямар хоол унднаас болж өвдөж байгааг нь анхаарч түүнээс аль болох татгалзаарай. Үүнд ихэвчлэн архи, кофе, халуун ногоо, хийжүүлсэн ундаа, өөхтэй, аргуу хоол багтдаг.
-Цээж хорсох нь шөнө, хэвтэх үед нэмэгдвэл цээжээ өндийлгөөд өндөр дэртэй унт.
-Ус их ууж бай. Хоол идэхийн өмнө болон хойно хоёр томхон аяга ус уухаас гадна хоолны хооронд байнга ус ууж бай.
-Тамхи бүү тат. Тамхи татах буюу зажлахад ходоодны хүчил ихэсч өвчинг улам нэмэгдүүлнэ.
-Ходоодны хүчлэгийг бууруулах эм уу. Ходоодны хүчиллэгийг бууруулах хамгийн найдвартай сайн эмийг эмчийг заавраар авч хэрэглээрэй.
Харамсалтай нь ходоодны шархлаа нь дахидаг онцлогтой өвчин юм.
-Хэрэв их өвдөж байгаа бол Алоэ-ийн шүүс уух хэрэгтэй.

Сүү ходоодонд сайн биш
Ихэнх хүмүүс сүү уух нь сайн гэдэг. Гэтэл үнэн хэрэгтээ эхэндээ өвчинг нь намдаах боловч аажимдаа ходоодны хүчлийг нэмэгдүүлж шархлаа нь газар авч эхэлдэг. Иймд ходоодны шархлаатай хүн сүүг хориглох хэрэгтэй. Сүүний адил содыг ходоодны хүчил бууруулахад хэрэглэдэг боловч энэ нь мөн л ходоодны хүчлийг аажимдаа нэмэгдүүлдэг. Аспирин, төмрийн давс нь адил үр дүн үзүүлэх тул энэ бүхнээс аль болох татгалзаарай.

Амарч тайван бай
Цээж гашуу оргих, дотор муухайрах зэргийг эрт оношлуулж эмчлүүлэх хэрэгтэй. Эс тэгвээс хүчтэй цус алдалт, хэвлийн хөндийн гялтан хальсны үрэвсэлд хүргэдэг. Ер нь хоол ундандаа хянуур, болгоомжтой ханддаг хүний ходоодны шархлаа хурдан эдгэрдэг. Уурлах болон сэтгэлийн дарамт нь хүний ходоодны хүчиллэгийг нэмэгдүүлдэг. Амарч тайван байх нь бие эрүүл байхын нэгэн үндэс. Ходоодны шархлааг сэдрээхгүйн тулд байнгын арчилгаа чухал. Ямартай ч хэт их идэхгүй, архи, кофеноос татгалзах нь танд л тустай.
Дэлгэрэнгүй...

ХЕЛИКОБАКТЕР


энэ нь бактерийн нэг хэлбэр. Судлаачид энэ бактерийг л ходоодны шархыг үүсгэдэг гэж үздэг. АНУ-д хеликобактерийн халдвараар 40 дээш настнуудын 20%,60-аас дээш настнуудын тал хувьд халдварлагдсан байдаг байна.Гэвч халдвар авсан хүн болгон ходоодны шарханд өртөхгүй. Хеликобактери буюу Н.pylori нь халдварлагдсан хүний шүлсэнд хадгалагдаж ,үнсэлцэх,халдварлагдсан хоол хүнсээр дамжин халддаг. Тэгэхээр ходоод 12 хуруу гэдэсний шарх нь халдвартай өвчин байх нь.
Хеликобактер яаж шарх үүсгэдэг вэ?Н.pylori -нь ходоод 12 хуруу гэдэсний ханыг хамгаалагч -салслаг бүрхүүл үүсгэгчийн ялгаралтыг сулруулдаг. Үүний улмаас ходоод 12 хуруу гэдэсний хана мэдрэмтгий болж, ходоодны хүчил,бактерийн ялгаруулж буй шүүрлийн нөлөөгөөр шархалдаг байна. Н.pylori -нь ходоодны хүчлийн ялгаруулалтыг ихэсгэдэгЯмар шинж тэмдэг илрэх вэ?
-Хэвлийгээр цанхайна. Энэ нь ихэнхдээ хэдэн долоо хоногоор алга болж, эргэж мэдрэгдэнэ. Шөнө дундын үед ходоод хоосон үедилүү мэдрэгдэнэ. Юм идэхэд арилна. Мөн ходоодны хүчил ялгаруулалтын эсрэг эмүүд уухад мөн арилна.антацид Мөн бусад доорхи шинжүүд гарна.
Үүнд:-Жин буурах
-Цээж гашуун оргино,хорсох мэт мэдрэмж төрнө.
-Хоолны дур буурах
-Дотор муухай оргих
-Бөөлжих
Зарим хүнд дээрхи шинжүүд тод илрэхгүй, огт илрэхгүй ч байж болно. Хэрэв доорхи шинжүүд илэрвэл эмчид яаралтай очих хэрэгтэй.
-Ходоод орчмоор хүчтэй сүлбэж өвдөх
-Өтгөн бараан хар өнгөтэй,цусархаг зүйл үзэгдэх
-Кофений шаар мэт эсвэл цусархаг зүйлээр бөөлжих
Эдгээр шинж тэмдэг нь ходоодны шархнаас цус алдах буюу ходоод цооролтын шинж байх өндөр магадлалтай байдаг.

Яаж оношлох вэ?

Хэрэв шарх байна гэж эмч сэжиглэсэн тохиолдолд дурангаар дурандан шинжилнээндоскопийн шинжилгээ.Хэрэв шарх нилээд дээгүүр байрлалтай бол улаан хоолой, ходоод ,12 хуруу гэдэсний шарх рентген гэрэлдX-ray сайн оношлогдоно. Өвчтөнд бариarium гэж нэрлэгдэх шохойлог шингэн уулгаж рентген гэрэлд харж оношлоно. Өөр нэг оношлогооны сайн арга бол ходоодны дуран эндоскоп гэж нэрлэгддэг, үзүүртээ гэрэлтдэг дуран камертай, нарийн урт хоолой бүхий багажийг ашиглан хийнэ..Энэ багажийг өвчтөнд болгоомжтойгоор залгиулж, улаан хоолой 12 хуруу гэдэсний ханыг шалгана. Эмч эндоскопийн тусламжтайгаар шархны зургийг авах ба шаардлагатай бол шархалсан хэсгээс маш бага хэсгийг хальслан микроскопт шинжлэхээр авч магадгүй. Энэ процедурийг биопси гэж нэрлэнэ. Хэрэв шархнаас цус гарч байвал эмч эндоскопоо ашиглан цус тогтоох мэс ажилбарыг хийнэ.
Хэрэв шарх байгаа нь тогтоогдвол эмч танд Н.pylori -ийг илрүүлэх тест хийнэ. Энэ шинжилгээ их чухал. Учир нь шарх юунаас болж үүссэнийг тогтоох ба энэ нь цаашид ямар эмчилгээ хийхийг чиглүүлэх ач холбогдолтой байдаг юм. Биопсийн шижилгээг ихэвчлэн эндоскопийн тусламжтайгаар ходоодны хананаас маш жижиг хэсгийг таслан авч микросопод шинжилдэг. Гурван зорилгоор эдийн энэ шинжилгээг хийнэ.
-Н.pylori -ийн ялгаруулж буй энзимийг олж тогтоох
-Гистологийн шинжилгээгээр Н.pylori -ийг олж илрүүлэх
-Өсгөвөрлөх - ходоодны хананаас авсан жижиг хэсгийг тусгай орчинд ургуулан Н.pylori-ийг ургаж байгаа эсэхийг тогтоох.Гэхдээ Н.pylori- ийг цус,өтгөний шинжилгээнд олж тогтоосны дараа л шаардлагатай гэж үзвэл эдийн энэ шинжилгээг хийнэ.

Эмчилгээ.

Хавсарсан эмчилгээ хийнэ.Антибиотик,хүчил бууруулагч,ходоод хамгаалагч эмүүдийг хавсарч хэрэглэнэ.Дээрхи эмүүдийг хоёр долоо,нэг долоо хоногийн турш хавсарсан байдлаар хэрэглэхийг эмч зөвлөнө.Эмчилгээ хиййсний дараа тодорхой хугацаанд зарим ходоод хамгаалагч ,хүчил бууруулагч эмүүдийг хэрэглэх шаардлагатай болдог.Эмчилгээний үр дүн ихэнхи тохиолдолд сайн.Бүрэн эдгэрдэг өвчин.

Халдварлахгүй байж болох уу?
Болно.Халдварладаг замыг мэддэг байхад л хангалттай.
-Өвчтэй хүнтэй ойр дотно байснаас, өвчтэй хүний гулгидас, шүлстэй холилдсоноос халдварладаг учир
-Бие зассаны дараа, юм идэхийн өмнө гараа угааж занших хэрэгтэй.
Дэлгэрэнгүй...

Томуугийн цар тахлаас сэргийлье


Томуугийн цар тахал нь 10-50 жилд, дунджаар 30 жилд 1 удаа тохиолддог бөгөөд цөөнгүй жил үргэлжилж хэд хэдэн давалгаатайгаар дэлхий нийтийг бүхэлд нь хамран явагддаг улс орны нийгэм, эдийн засаг, хүн амд асар их хор хохирол учруулдаг ховор үзэгдэл.Томуугийн цар тахал нь 10-50 жилд, дунджаар 30 жилд 1 удаа тохиолддог бөгөөд цөөнгүй жил үргэлжилж хэд хэдэн давалгаатайгаар дэлхий нийтийг бүхэлд нь хамран явагддаг улс орны нийгэм, эдийн засаг, хүн амд асар их хор хохирол учруулдаг ховор үзэгдэл. Дэлхий нийтийг хамарсан томуугийн цар тахал нь 16-р зуунаас тэмдэглэгдсэн бөгөөд сүүлийн 400 жилд 31 удаагийн цар тахал бүртгэгджээ. 20-р зуунд томуугийн 3 удаагийн цар тахал 1918, 1957, 1968 онуудад томуугийн /А/ хэв шинжийн вирусээр үүсгэгдсэн олон сая хүний амь насыг аван оджээ.
Хүн амын дунд томуугийн вирусын шинэ омог буй болон хүнээс хүнд тархаж, бүх насны хүн өртөн нийгмийн бүх салбарын үйл ажиллагаа хямралд хүрэхийг Цар тахал гэнэ. Үүнийг жил бүрийн ердийн томуу биш гэдгийг хүн бүр сайн ойлгох ёстой бөгөөл үүнийг огтхон ч мартаж болохгүй. Томуугийн вирусын шинэ халдварын үед нөхцөл байдал хурдан өөрчлөгдөж халдвар тогтвортой, хурдан тархаж байна.
Томуугийн дэгдэлт, тахал тархалт, цар тахлын үед бага насны хүүхэд, ахимаг насныхан илүүтэй нэрвэгдэж байсан бол томуугийн цар тахлын үед эндэгдэлд идэр насныхан илүү өртөх байдал ажиглагдах болжээ.
Өнөөдөр дэлхий нийтээр энэ өвчний тохиолдлыг шуурхай эрт илрүүлэх, өвчтөнийг цаг алдалгүй зохих журмын дагуу эмчлэх зэрэг арга замаар вирусын халдвараас учирч болзошгүй хор хохирлыг бууруулахыг зорьж байнав

Эх сурвалжийг:АУ-ны магистр хүүхдийн их эмч Ө.Отгонжаргал
Дэлгэрэнгүй...

Сэтгэл түгшилт


Сэтгэл түгшилт гэж юу вэ? Сэтгэл түгшилт гэдэг нь сэтгэл зүйн сөрөг нөлөөнд өгч буй бие махбодь, сэтгэл зүйн хариу урвал. Оюутан сурагчид шалгалт шүүлэгт орхын өмнө, дарга удирдах ажилтан ажилчдыг дуудах, шинэ хамт олны дунд ороходСэтгэл түгшилт гэж юу вэ? Сэтгэл түгшилт гэдэг нь сэтгэл зүйн сөрөг нөлөөнд өгч буй бие махбодь, сэтгэл зүйн хариу урвал. Оюутан сурагчид шалгалт шүүлэгт орхын өмнө, дарга удирдах ажилтан ажилчдыг дуудах, шинэ хамт олны дунд ороход эсвэл айдас хүрмээр зүйлээс шалтгаалан тайван биш болох, яах бол гэж түгших, айх, зүрх дэлсэх, чичрэх, шээс ойр ойрхон хүрэх, хүйтэн хөлс гарах зэргийг хэвийн сэтгэл түгшилт гэдэг. Түгшүүр үүсгэж буй асуудлыг зохистой шийдвэрлэсний дараа дээрхи шинжүүд арилж үгүй болно. Харин хүний айж, сэтгэл түгшмээргүй энгийн яльгүй зүйлд сэтгэл байн байн түгшиж, аймааргүй зүйлээс хэт их айж, хар аяндаа сэтгэл хий зовниж дээрхи зовиураас шалтгаалан тухайн хүний өдөр тутмын үйл ажиллагааны болон зан үйлд саад бэрхшээл учруулахыг сэтгэл түгших эмгэг гэдэг. Сэтгэл түгших эмгэг бол элбэг тохиолддог, эмчлэгдэх боломжтой.

Түгээмэл сэтгэл түгшилт: Түгээмэл сэтгэл түгшилт нь айдастай холбоогүй харин ирээдүйд буй болж болох энгийн үйл явдлын тухай урьдчилан санаа зовж, аяндаа зөнгөөрөө хэт болгоомжлон сэтгэл зовнихыг хэлнэ.

Нийгмийн айдас: Нийгмийн тодорхой нөхцөл байдалд янз бүрийн хүмүүстэй харьцах явцад өөрийн эрхгүй айдас төрөхийг хэлнэ. Өөрөөр хэлбэл тодорхой нөхцөл байдалд хүмүүстэй нүүр тулан харьцах, олон хүний дунд эвгүй байдалд орчих вий гэсэн айдас.

Ямар эмчилгээ туслаж болох вэ?
* Сэтгэл түгшилтийн үед амьсгалын дасгал хийх нь биемахбодын зовиуруудыг бууруулан булчинг суллан тайвшруулдаг.

- 3 секундын турш удаанаар амьсгал авах
- 3 секундын турш удаанаар амьсгал гаргах
- Дахин амьсгал авахын өмнө 3 секундын турш амьсгал түгжих

* Амьсгалын дасгалыг өдөр бүр 10 минутаас дээш хугацаагаар тогтмол хийж, би бүрэн тайвширлаа гэж өөрийгөө ятгах.

* Сэтгэл түгшилтийг бууруулах өөр нэг үр дүнтэй арга бол дасгал хөдөлгөөн хийх явдал юм.
Дэлгэрэнгүй...

Огт нүүрээ будаж байгаагүй охидод зориулав


Нэгэн өглөө нүүрээ будаж байхдаа будаг чинь огтхон ч болохгүй байгааг анзаарчээ. Суурь крем чинь шингэж өгөхгүй, уруулын будаг нь хүссэнээр будагдахгүй, нүд ч нэг л хачин харагдаад... Сэтгэлээр битгий уна. Эрт орой хэзээ нэгэн цагт бидний бүгдтэй нь ийм зүйл тулгардаг. Нүүр будалт хэвийн зүйл болох үед түүний чанар нь буурдаг. Энэ байдлыг хяналтаасаа алдахгүйн тулд ердөө хэдэн дүрмийг л мэдээд авчих. Нүд
Нүдээ нямбай сайхан будах нь нүдийг байгаагаас нь илүү гоё, үзэсгэлэнтэй болгодог. Хэрэв чанаргүй муу хийвэл үр дүн нь шууд л эсрэгээр гарах болно. Yүнээс зайлсхийхийн тулд доорх алхмуудыг зайлшгүй мөрдөөрэй.

1-р алхам
Эхлээд нүдний доод болон дээд зовхиндоо өө дарагч тавиарай. Энэ нь зөвхөн нүдэн доорх хар зураасыг арилгаад зогсохгүй мөн гайхамшигтай будалтын суурь болдог.

2-р алхам
Нүдээ хүрээл. Шингэн хүрээлэгч харцыг илүү хурц болгодог. Гэхдээ нүд рүүгээ оруулахгүйн тулд маш нямбай хийх хэрэгтэй. Тэгэхгүй бол улайж, цочрол өгнө.

3-р алхам
Дээд талын сормуусныхаа дээгүүр хүрээл.

4-р алхам
Дээд болон доод зовхиндоо тень, дараа нь сормуусны будгаа хоёр давхарлан будаарай.

Чиний косметик дотор заавал байх зүйлс:
Шингэн хүрээлэгч: Yдшийн будалтанд тохирно. Гэхдээ дасгал сургууль их шаарддаг.
Харандаа: Илүү их хэрэглэгддэг. Сонголт хийхдээ хэр зөөлөн байгааг нь анхаар. Зөөлөн харандаа амархан гардаг.
Нунтаг тень: Янз бүрийн өнгөтэй, саатай саагүй байдаг. Дор хаяж нэг саармаг өнгөтэй байх хэрэгтэй. Саатай бор эсвэл хар.
Тосон тень: Түрхэхэд амархан. Саатайг нь сонгож авсан нь дээр. Дур булаам төрхтэй болгоно.
Сормуусны будаг: Харцыг илүү хурц болгож, тодотгож өгнө. Хар болон бор өнгө ямар ч нүдэнд илүүтэй зохидог.

Санамж:
- Бусад будгаа баллахгүйн тулд нүдэн доороо нунтаг пудр зузаан үеэр түрхээд харин дууссаныхаа дараа арилгаж болно.

Уруул
Уруулын будаг бол эмэгтэй хүний косметикт маш хүндтэй байр суурь эзэлдэг. Энэ нь ч гайхмаар зүйл биш юм. Уруулын будгийн тусламжтайгаар нүүр царайгаа өөр төрхтэй болгож болно.

1-р алхам
Уруул чинь хагарсан бол ямар өнгө зохихыг нь туршиж үзэх гэсний ч хэрэггүй. Хуурайшсан урууланд түрхэгдсэн будагнаас муухай харагддаг зүйл байхгүй.

2-р алхам
Уруулын будаг ямар өнгөтэйгээс үл хамааран уруулаа үргэлж харандаагаар уруулын өнгөтэй төстэй өнгөөр хүрээлж бай. Уруулын будгаа илүү удаан тогтоолгохын тулд харандаагаар уруулаа эхлээд буд.

3-р алхам
Уруулын будгийг бийрээр түрхсэн нь дээр. Амны булангаа хэтэрхий нямбай будах хэрэггүй. Будаг нь урсаж магадгүй.

4-р алхам
Будгаа хоёр давхар будвал өнгө нь илүү ханасан мэт харагдана.

Чиний косметик дотор заавал байх зүйлс:
Гялгар өнгөтэй уруулын будаг: Зөөлөн, чийгшүүлэх чанартай. Сайн тавигддаг. Гэхдээ хоол идэж, юм ууж, үнсэлдсэний дараа дахиад сэргээж будах хэрэгтэй болдог.
Саа: Уруулыг памбагар, дур булаам болгон харагдуулдаг. Гэхдээ үсэндээ анхаарал тавь. Урууланд хүрээд нүүрээр чинь дүүрэн саа болгож болно.
Хагас тунгалаг будаг: Уруулыг гялалзсан болгож, хөнгөн зөөлөн өнгө өгдөг. Зузаан үеэр тавигддаг. Тийм болохоор хурц өнгөнд дургүй хүмүүст илүү тохирдог.
Тогтвортой будаг: Өнгө нь бүхэл өдөржингөө сэргээлгэхгүйгээр тогтдог. Гэхдээ уруулыг хатааж хуурайшуулдаг. Бүдэг өнгөтэй болгодог.

Санамж:
- Хэрэв чи хэтэрхий зузаан уруултай бол хүрээлэхдээ хэмжээг нь багасгаарай. Цайвар өнгөтэй будагнаас зайлсхий.
- Харин илүү зузаан, булцгар болгон харагдуулахын тулд будгаа түрхээд дээрээс нь ойролцоо өнгийн саа түрх.
- Тогтвортой будаг түрхэхийн өмнө уруулынхаа тослогийг нямбай арилгаарай.
Дэлгэрэнгүй...

Хөвгүүд яагаад бидэнд хайртай гэж хэлдэг вэ?


Бид бvх vйлдлээ ямар нэгэн бодолтойгоор хийдэг гэдгийг бvгд л мэддэг. Ярих, харах, инээх, уйлах бvгд л орчин тойрны хvмvvст хvссэн сэтгэгдлээ төрvvлж тэднээс мөн хvссэн зvйлээ авахын төлөө. Сэтгэл хөдлөл, барьж дийлэхгvй уур хvртэл өөрийн зорилготой байдаг гэдгийг та мэдэх vv? Гэхдээ vvнийг хийж байхдаа уг хvн өөрөө хvртэл зорилгоо мэдэхгvй байж болно. Харин та нэг секунд ч болтугай өөрийнхөө талд оролгvйгээр “Би vvнийг яах гэж хийж байгаа юм бэ?” гэж асуувал та магадгvй “өөрийгөө өрөвдvvлэхийн тулд”, “тvvгээр уучлалт гуйлгахын тулд” эсвэл “бvх хvнд өөрийгөө ямар сайхан сэтгэлтэй болохыг харуулахын тулд” гэж хариулах байсан байхБид бvх vйлдлээ ямар нэгэн бодолтойгоор хийдэг гэдгийг бvгд л мэддэг. Ярих, харах, инээх, уйлах бvгд л орчин тойрны хvмvvст хvссэн сэтгэгдлээ төрvvлж тэднээс мөн хvссэн зvйлээ авахын төлөө. Сэтгэл хөдлөл, барьж дийлэхгvй уур хvртэл өөрийн зорилготой байдаг гэдгийг та мэдэх vv? Гэхдээ vvнийг хийж байхдаа уг хvн өөрөө хvртэл зорилгоо мэдэхгvй байж болно. Харин та нэг секунд ч болтугай өөрийнхөө талд оролгvйгээр “Би vvнийг яах гэж хийж байгаа юм бэ?” гэж асуувал та магадгvй “өөрийгөө өрөвдvvлэхийн тулд”, “тvvгээр уучлалт гуйлгахын тулд” эсвэл “бvх хvнд өөрийгөө ямар сайхан сэтгэлтэй болохыг харуулахын тулд” гэж хариулах байсан байх
Тэгээд энэ vнэхээр боллоо. Тvvний амнаас бvхэл амьдралыг ч өөрчилж чаддаг, бvх бvсгvйчvvдийн хvсэн хvлээж байдаг зvрх хайлуулагч хэдэн vгс vсрэн гарлаа. “Би чамд хайртай” гэж тэр хэллээ. Тvvний энэ vгийг нь хvн бvр өөрийн зан араншингаасаа хамааран өөр өөрөөр хvлээж авна. Їvнд ямар ч гэнэтийн бэлэг байх ёсгvй мэт санагдана. Тэр чамд сэтгэлээ илчилж, одоо тэр чинийх... Гэтэл... Гэнэт сонин зvйлсvvд ар араасаа цуврах болов. Тэр юугаа хийгээд байна аа? Тэр биеэ ингэж авч явах ёстой гэж vv? Ер нь юу болоод байна аа? Тэр бvр утасдах ч vгvй байна...
Бvх мэдрэмжээ зогсоогоод өөрөөсөө нөгөө асуултаа асуух болсон. “Би чамд хайртай” гэсэн vг юуг л бол юуг илэрхийлж болно. Өөрөөсөө “тэр яах гэж чамд vvнийг хэлсэн юм бол оо? Намайг яалгах гэж ингэж хэлсэн юм бол?” гэж асуух болсон. Харин цаашдаа vнэнчээр хайрлуулах гээд vзээрэй. Учир нь нэг ч эр хvн зvгээр л чамд мэдvvлэх гэж vvнийг хийхгvй. Тэд vvнийг...

...Чиний бодлыг өөрчлөх гэж.
Төгсгөл ч vгvй, эхлэл ч vгvй ямар ч утгагvй энэ харьцаанаасаа залхасан чи энэ амьдрал хэтэрхий богинохон ба ийм хэрэггvй юманд алтан цагаа vрэх хэрэггvй гэдгийг ойлгоно. Тэр чамайг ашиглаж, тэгэхдээ ямар ч хариуцлага vvрэх хvсэлгvй байгаа нь илт байна. Иймд чи эцсийн эцэст энэ бvх замбараагvй байдлыг төгсгөл болгохоор шийдэж зvрхээ чангалан тvvнд дөхөж очоод нvдээ анин “Намайг уучлаарай, гэхдээ бид салсан нь дээр байх” гэж хэлэхэд мэл гайхаж цэл хөхөрсөн тvvний доор нь байсан газар хөдлөх шиг л болно. Чиний “нэгэн л янз” гэж нэрлэдэг тvvний тогтвортой байдал, мөн бас чиний “хайхрамжгvй зан” гэж нэрлэдэг тайван байдлыг нь, тvvний хамгаас илvv хайрлаж, бахархаж явдаг энэ хоёр зvйлийг нь чи гэнэт тvvнээс салгачихлаа. Иймд тэр тэднийгээ буцаан авахыг хvснэ. Тэднийг гэдэг чинь бас чамайг ч гэсэн vг. Эмэгтэй хvний сэтгэл зvйн талаарх жаахан мэдлэг нь тvvнд зөв хариуг шивнэнэ. Тэгээд тэр “Битгий яваач! Би чамд хайртай!” гэж орилно. Тэр яг л шvхэрний гогцойноос татаж байгаа хvн шиг…Шvхэр дэлгэгдэж өөдгvй амьтан чиний итгэлийн гар дээр зөөлөн унана. Одоо тэр чамайг vргэлжлvvлэн зовоох боломжтой боллоо. Тэгээд нэг л өдөр чи ахиад л амьдрал дэндvv богинохон ба цаашид ингэж байж чадахгvй гэдгээ ойлгож, зvрхээ чангалан нvдээ аниад …

…Чамтай унтахын тулд.
Юуг нуух вэ? Манай vед “Би чамд хайртай” гэдэг vгийг гэр бvлийн баталгааг орлогч гэж боддог олон охид бvсгvйчvvд байсаар л байна. Эдгээр хvмvvс нь эрчvvдийн талаарх сайхан бодлоо хадгалаж vлдсэн сайхан сэтгэлтэй, өрөвч, цайлган нэгэн гэдэг нь ойлгомжтой. Гэтэл тэр маш царайлаг, гэхдээ маш хөнгөмсөг. Тvvнд ангийн бvх охид дурлачихсан. Тvvний инээмсгэлэл ба сайхан vг нь ямар зорилготой болохыг чи мэдэж байгаа тул тvvний энэ хямдхан арганд нь мэдээж чи орохгvй. Тэр арваад охиныг энэ vгээрээ аз жаргалтай болгосны дараа ганцхан чи л тvvний цорын ганц ба давтагдашгvй гэдэгт итгэх нь дэндvv гэнэн хэрэг болно. Тэгээд чи тvvний дайралтуудыг эцсийн хvчээ шавхан байж няцааж тvvнийг цөхөрлийн байдалд хvргэнэ. Гэтэл тэр яг vнэнээсээ дурласан юм шиг, яг жинхэнээсээ догдолж байгаа мэт харагдана. Тэр өвдөг сөхрөн суугаад хамгийн энхрий хоолойгоор “Энэ бол бусдаас шал өөр. Энэ бол жинхэнэ…Би чамд хайртай” гэж хэлэхэд нь чи тvvний хуурамч сэтгэлд нь автан тvvнийг vхэгсэдийн орноос буцаан авчрахад харин маргааш тvvний тэр их халуун хайраас юу ч vлдэхгvй. Тэр замдаа чамд “Сайн уу? Амьдрал ямар байна?” гэж хэлээд бас нэгэн тэнэгийг хайхаар явах байх.

...Чамайг хэрхэн хvлээж авахыг харах гэж.
Итгэхгvй байна уу? Энэ бол vнэн. Тэд дараа нь юу болохыг харах гэж “Хайртай” гэж хэлдэг. “Эмэгтэй хvн бол мөнхийн оньсого” гэж хэлэхдээ тэд “Эмэгтэй хvн бол мөнхийн туршилтын туулай” гэж боддог. Тэдэнд vнэхээр ч бидний толгой дотор юу болж байгаа талаар ойлголт ч байдаггvй болохоор анхааралд нь өртсөн бvсгvй дээр эмэгтэйчvvдийг илvv ойлгодог болохын тулд хамгийн бvдvvлэг туршилтуудыг хийдэг. “Сонин юм аа. Энэ бялзуухайгийн толгойд юу эргэлдэж байдаг бол? Тэр ямар хvн юм бол? Ер нь тvvнд хайртай гэж хэлээд vзэе. Юу болох нь уу, харъя” гэж хэлнэ. Ингэж хэлэхдээ тvvнд чиний хандлага ямар ч хамаагvй. Тэр ч байтугай тэр чамаас секс хvлээгээгvй ч байж магадгvй. Зvгээр л чамайг баярлах нь уу, уурлах нь уу, юу ч болоогvй мэт дvр vзvvлэх нь vv, юм шалгааж эхлэх нь vv, хvзvvнд нь зvvгдэх нь vv гэдгийг чинь л харах гэсэн юм. Чи энэ мэдээг яаж ч хvлээж авсан бай одоо тэр залуугийн хувьд чи оньсого биш.

...Чамайг өөрөөсөө холдуулах гэж.
Хайр сэтгэл нь эрvvл ухааныг самууруулж, өөрийгөө хvндлэх сэтгэлийг vгvй хийх аюултай. Чи байнга тvvнээс хайр халамж шаарддаг, байнгын ил тод сээтэгнэвэл сарнай цэцэг хvртэл ганддаг юм. Чи энгийн боловч хэцvv нэгэн vнэн болох тvvнд чи ямар ч хамаагvй гэдгийг хvлээн зөвшөөрч чадахгvй байна. Харц болгон чинь тvvнээс хайр хvсч энэ харцтай чинь тэр хаашаа л харна тулгарах болно. Бvх хvн өөр рvv нь харан алтан гурван vгийг хэлэхийг хvлээж байгаа мэт тvvнд санагдах болно. Эцэст нь тэр асар их дарамтанд орж цаашид ингэж амьдарч чадахаа болин, чамд хайртайдаа биш, харин чамаас салж амрахын тулд амнаас чинь өөрийн хэлэх ёстой vгс болох “Тийм ээ, би чамд хайртай” гэж унших болно.

...Тvvний саналыг нухацтай нэг бодуулахын тулд.
“Хатагтай Халдашгvй болж жvжиглэхээ болиод надтай гэрэл. Маргааш хуримын ордон явна” гэж зоригтой нь аргагvй гэрлэх санал тавих эрэгтэй хvн лав олдохгvй л байх. Мэдээж та хоёр бие биенээ сайн мэдэх боловч хэн мэдэх вэ? Юу ч болж болно шvv дээ. “Тэр намайг буруу ойлгочихвол яах вэ? Тоглоомоор хэлсэн гэж бодон цаашдын бvх vгэнд минь итгэхгvй бол яана аа?” гэх зэрэг бодлууд толгойд нь орж ирнэ. Ийм vед бооцоонд дэндvv том юм тавьсан тул эрчvvд эрт дээр vеэс уламжлагдан ирсэн сонгодог аргыг хэрэглэхээр шийддэг. Ингээд тэд өглөө эртлэн босч костюм пиджак өмсөн, зангиа зvvж, нэг гартаа цэцгийн баглаа, нөгөө гартаа шампанск барин нэгэн зэрэг өөрийгөө ертөнцийн хаан бас дvvрсэн тэнэг амьтан мэт санан хаалгыг чинь тогшино. Тэгээд чамайг гарч ирэнгvvд “Би чамд хайртай. Надтай гэрлээч” гэж хэлнэ.
Дэлгэрэнгүй...

Ямар батгыг шахаж болохгүй вэ?


Батгыг хамаагүй шахсанаар нөсөөжилт сорвижилт үүсэх эрсдэлтэй. Өнгөц гарсан жижиг хэмжээний батгыг зөөлөн шахаж болох юм. Юуны өмнө мэргэжлийн эмчээс зөвлөгөө авч, батганыхаа төрлийг тодорхойл.Батгыг хамаагүй шахсанаар нөсөөжилт сорвижилт үүсэх эрсдэлтэй. Өнгөц гарсан жижиг хэмжээний батгыг зөөлөн шахаж болох юм. Юуны өмнө мэргэжлийн эмчээс зөвлөгөө авч, батганыхаа төрлийг тодорхойл.



Гөвдрүүт батга. Энэ батга нь янз бүрийн хэмжээгээр жижиг улаан, ягаан өнгийн гөвдрүүт тууралт нүүр, цээж, нуруугаар гарна. Ийм батгыг оролдвол цус гарч мэдэх тул шахаж ер болохгүй. Спиртлэг шингэн, лосьоныг гарсан хэсэгт нь түрхээд орхи.



Идээт хэлбэрийн батга. Идээт хэлбэрийн батга нь доороо их суурьтай тул нилээд том хэмжээтэйгээр гөвдрүү маягтай болсон байдаг. Энэ батга нь шар ногоон тавтай байна. Шахвал идээ, цус гоожих магадлалтай тул оролдохоос зайлсхий. Гоо сайхны салоноор эмчлүүлсэн нь дээр.



Гүн идээт хэлбэрийн батга. Комедоны эргэн тойронд нэвчдэс үүсч долоо хоногийн дараа нэвчдэс зөөлөрч хагарна. Энэ процессыг хүлээ. Харин дур мэдэн шахвал зунгааралдсан ногоон ялгадас гарч гүн сорвижилт үүсгэнэ.



Бөөгнөрч гарсан батга. Батганы хамгийн хүнд хэлбэр. Энэ үед том зангилаа үүсч, өөхөн эдэд эмгэг илэрч вандуй шиг томордог. Конглобат нь маш хатуу эмзэглэлтэй. Улаан хөхөрсөн өнгөтэй байна. Хоорондоо нийлж буглаа үүсгэдэг учраас их аюултай. Тиймээс шахах тухай бодох ч хэрэггүй. Сорвижилт нь маш гүн, овон товон нүхтэй эдгэдэг учраас. Мөн нуруу цээжээр гарах нь ч бий.



Ямар шинжилгээ хийлгэх вэ?

-Хелико бактерын шинжилгээ

-Цусны ерөнхий шинжилгээ

-Демодекс шинжлэх

Дээрх шинжилгээг хийлгэх шаардлагатай.
Дэлгэрэнгүй...

Компьютероос үүдсэн нүдний ядаргааг яаж тайлах вэ


Нүдээ хэрхэн хамгаалах вэ
Хүний нүд ямар үүрэгтэйг бид сайн мэддэг хэрнээ тэр бүр хамгаалж, арчилж чаддаггүй шүү дээ. Иймд та бүхэнд энгийн хэрнээ хамгийн ашигтай, оновчтой зөвлөгөөг хүргэж байна.

Элс, шороо, тоос зэрэг нь ихэвчлэн доод дээд зовхинд ордог. Энэ үед нүдээ нухаж, арчиж хэрхэвч болохгүй. Гадны биетийг алчуур, хөвөнгөөр авах гэж оролдох бүрч хэрэггүй. Хэрэв оролдсон тохиолдолд эвэрлэг бүрхүүл буюу нүдний гадна талын тунгалгийг гэмтээх аюултай. Харин үүний оронд хэдэн секунд нүдээ анивчихад нулимстай хамт гадагшилдаг. Нүдээ хэрхэн хамгаалах вэ
Хүний нүд ямар үүрэгтэйг бид сайн мэддэг хэрнээ тэр бүр хамгаалж, арчилж чаддаггүй шүү дээ. Иймд та бүхэнд энгийн хэрнээ хамгийн ашигтай, оновчтой зөвлөгөөг хүргэж байна.

Элс, шороо, тоос зэрэг нь ихэвчлэн доод дээд зовхинд ордог. Энэ үед нүдээ нухаж, арчиж хэрхэвч болохгүй. Гадны биетийг алчуур, хөвөнгөөр авах гэж оролдох бүрч хэрэггүй. Хэрэв оролдсон тохиолдолд эвэрлэг бүрхүүл буюу нүдний гадна талын тунгалгийг гэмтээх аюултай. Харин үүний оронд хэдэн секунд нүдээ анивчихад нулимстай хамт гадагшилдаг.

Хэрэв ингээд гарахгүй бол усаар угаасны дараа нүдээ зүүн, баруун тийш хөдөлгөөрэй. Мөн нүдээ угаахдаа дусаагуураар, зүүгүй цэвэр тариураар, аягатай үс гэх мэт гурван янзаар угаадгийг санаарай.

Таны нүдэнд орсон гадны биет гарсан ч торж байгаа мэт мэдрэмж төрж болно. Нүднээс гадны биет гарсны дараа бактерын эсрэг, үрэвсэл намдаах зорилгоор левомецитины 0.25 хувь, альбуцидын 20 хувийн уусмалыг эхлээд 3-5, дараа нь 5-7 удаа үргэлжлүүлэн дусаагаарай. Хэрэв хэдэн цагийн дараа нүд чинь улайж, нулимс гоожих, нуухдах шинж тэмдэг илэрвэл мэргэжлийн эмчид яаралтай хандаарай.

Химийн түлэгдэлт
Бидний өдөр тутам хэрэглэдэг аяга, таваг угаагч, хивс, хивсэнцэр цэвэрлэгч нь хүний нүдэнд орвол маш хурдан хугацаанд түлдэг. Хэрэв химийн дээрх бодис нүдэнд чинь орвол маш хурдан, их хэмжээний усаар угаагаарай. Мөн юугаар гэмтсэнийг мэдэж байгаа бол өөрөөр хэлбэл, хүчлийг шүлтээр, шүлтийг хүчлээр угаах хэрэгтэй бөгөөд бактерын эсрэг эм дусаахаа мартаж болохгүй.

Компьютероос үүдсэн ядаргааг яаж тайлах вэ
Компьютерийн ард суусан хүн доороос дээш, эсвэл урагш байнга хардаг учир нүдний булчингууд их ядардаг байна. Гэрлийн урсгал нь нүдний торлогийг өрөөр хэлбэл нүдний арын гэрэл хүлээн авах хэсгийг их цочроодог аж. Ажилдаа хэт их шамдсанаас хүн нүдээ цавчих нь багасч үүнээс гадна нойр, ой санамж муудах, хоолны дуршил багасах, толгой өвдөх, хэт мэдрэмтгий болох гэх мэт зовиур илэрдэг байна.

Харин эдгээр асуудлаас зугтахын тулд том хүн 45, хүүхэд 15 минут суугаад 20 минут амрах ёстой аж. Амралтын 20 минутын хугацаанд зурагт үзэж, ном уншиж болохгүй. Суугаа эсвэл хэвтээ байдалд 5-7 минут нүдээ аньж алгаараа бага зэрэг дарж өгч нүдээ баруун зүүн тийш, диогнальдах байдлаар сайн хөдөлгөөрэй. Ингэх нь таны компьютероос үүдсэн ядаргааг төгс тайлах болно.
Дэлгэрэнгүй...

Стресс ядаргаанаас гарах хамгийн сайн арга бол ном унших явдал юм?


Vvнийг Британийн эрдэмтэд зөвлөж байна. Ном унших нь хөгжим сонсох, цай уух, зугаалахаас ч илvv тvргэн бөгөөд сайнаар нөлөөлдөг ажээ. Сассексийн их сургуулийн судлаач нар хvнийг стресст оруулдаг хэд хэдэн дасгал-тестийг сайн дураараа туршилтад орсон хvмvvсээр эхлээд хийлгэжээ.
Vvнийг Британийн эрдэмтэд зөвлөж байна. Ном унших нь хөгжим сонсох, цай уух, зугаалахаас ч илvv тvргэн бөгөөд сайнаар нөлөөлдөг ажээ. Сассексийн их сургуулийн судлаач нар хvнийг стресст оруулдаг хэд хэдэн дасгал-тестийг сайн дураараа туршилтад орсон хvмvvсээр эхлээд хийлгэжээ. Дараа нь стрессээс хурдан гарахад тусалдаг уг аргыг /ном унших/ ашиглахыг тэдэнд санал болгон судасны цохилт, булчингийн чангарлыг нь ажигласан байна. Ном унших нь стрессийн тvвшинг 68 хувиар бууруулдаг нь энэ удаа харагджээ. Иймд Та зургаан минутын турш ном чимээгvй уншвал судасны цохилт хэвийн болж, булчин тайвшрах нь байна. Тэгвэл хөгжим сонсох нь стрессийн тvвшинг 61, аяга цай юм уу кофе уух нь 54, гадаа зугаалах нь 42, дvрс бичлэгийн тоглоом тоглох 21 хувь бууруулах аж. Стрессээс гарахад аймшгийн эсвэл шалгалтын бодлогын хураамж ер нь ямар ном унших нь нэг их чухал биш гэнэ. "Харин зохиолчийн санаа бодлыг гvнзгий мэдрэн, маш анхааралтай унших хэрэгтэй" гэж судалгааны багийн ахлагч, мэдрэлийн физиологич Дэвид Льюис зөвлөжээ.
Дэлгэрэнгүй...

Нойргүйдэл бий болгогч 10 шалтгаан

Сайхан амраад боссон өглөө эрч хүчтэй байж, тэр өдөртөө ажил хүртэл бүтэмж сайтай байдаг. Тэгвэл сайн унтаж амрахад тань хэрэгтэй зөвлөгөөнүүдийг хүргэе. Унтах цагаа хасах шалтгаан тань юу вэ? Хэтэрхий завгүй, хийх зүйл их байна уу? Та шөнө унтахгүй байснаар их ажил амжуулна гэж бодож байна уу? Та ердөө эрүүл мэндээ баллаж байгаа хэрэг. Нойр багасна гэдэг бол эрүүл мэндтэй холбоотой асуудал юм. Нойрондоо та идэж буй хоолтойгоо адил анхаарал хандуулах ёстой. Сайхан амраад боссон өглөө эрч хүчтэй байж, тэр өдөртөө ажил хүртэл бүтэмж сайтай байдаг. Тэгвэл сайн унтаж амрахад тань хэрэгтэй зөвлөгөөнүүдийг хүргэе. Унтах цагаа хасах шалтгаан тань юу вэ? Хэтэрхий завгүй, хийх зүйл их байна уу? Та шөнө унтахгүй байснаар их ажил амжуулна гэж бодож байна уу? Та ердөө эрүүл мэндээ баллаж байгаа хэрэг. Нойр багасна гэдэг бол эрүүл мэндтэй холбоотой асуудал юм. Нойрондоо та идэж буй хоолтойгоо адил анхаарал хандуулах ёстой.

1. Та хэт их юм боддог. Хүмүүс өдөр болсон үйл явдал, ихэнхдээ хэрүүл маргаан, бүтэлгүйтсэн зүйлсээ дахин дахин боддог. Мөн түүнчлэн хүмүүс өөрсдийн бодлоо хянадаггүй. Түүнээс болоод хэрэгтэй, хэрэггүй хэт их юмыг боддог. Шийдэл: Хэрвээ хэрэггүй зүйлс толгойд тань орж ирээд байвал зүгээр л босоод өөр өрөөнд ор. Таны бодол шууд л ярилан одно. Тэгээд буцаад орондоо ороод унтах хэрэгтэй. Эсвэл унтахаасаа 2 цагийн өмнө маргааш хийх зүйлс эсвэл бодож тунгаах бүх зүйлсээ хийж дуусгах хэрэгтэй. Тэгэх аваас унтах үед та ямар нэг зүйлсийг бодох хэрэггүй болох юм.

2. Амралтын өдрүүдэд хэт их унтдаг. Бид ажлын өдрүүдэд орой унтаж, харин амралтын өдрүүдэд орой босдог. Ингээд 2 өдөр орой боссон тархи орой босоод дасчихдаг учир даваа гаригын өглөө босох гэж зовдог. Шийдэл: Та орой босох боломжтой байсан ч цагаас илүү битгий унт. Хэрвээ нойр тань хүрээд байвал өдөр 10 минут дуг хийхэд болно.

3. Хэн нэгэн саад болдог. Хажууд тань унтаж байгаа нөхрийн тань хурхирах чимээ таныг шөнө дунд хэсэгхэн ч гэсэн сэрээдэг байж магадгүй. Шийдэл: Хамт унтаж буй хүнээ дээшээ харж бус хажуу талаараа унтахыг санал болго. Учир нь хажуу талаараа унтаж байгаа хүн хурхирах нь бага байдаг юм байна. Мөн түүнчлэн хурхирахад дэрний өндөр нам их чухал нөлөө үзүүлдэг. Судалгаагаар өндөр дэрэндээр унтаж буй хүмүүс нам дэр дэрлэж буй хүмүүсийг бодвол их хурхирдаг болох нь тогтоогдсон байдаг юм байна.

4. Таны гормонд өөрчлөлт орсон. Эмэгтэйчүүдийн хувьд сарын тэмдгийн үед мөн цэвэрших үед үүсэх дааврын өөрчлөлтийн нөлөөгөөр нойргүйдэл бий болж болдог байна. Ихэнхдээ энэ нь шөнө дунд босох, хэт эрт босох зэргээр илэрдэг байна. Шийдэл: Унтахаасаа өмнө усанд орох нь бие тайвширч тайван амрахад сайн нөлөөтэй байдаг. Мөн сарын тэмдэгийн үед өвдөлтөөс болж нойр муутай хонох тохиолдолууд байдаг шүү дээ. Ийм үед та биений юм ирэхээсээ өмнө өвдөлт намдаах эмийг хэрэглэснээр сарын тэмдэг дуустал өвдөлтөөс хамгаалж чаддаг байна. Түүнчлэн өдөрт 20-30 минут дасгал хийж байх хэрэгтэй. Сайхан амарч унтахад өрөө сэрүүн байх нь маш чухал байдаг гэдгийг санахад илүүдэхгүй болов уу.

5. Таны гэдэс дуугардаг. Гэдэс хоосон орондоо орох нь шөнө олон дахин сэрэх шалтгаан болдог. Хоолны дэглэм барьж байгаа, таргалалтаас сэргийлж буй хүмүүс ихэнхдээ ийм асуудалтай учирдаг. Шийдэл: Та шөнө унтахдаа их юм идэх шаардлагагүй юм. Харин өег зүйл идэх хэрэгтэй. Үүнд ганц чанасан өндөг, ганц зүсмэл бяслаг зэргийг нэрлэж болно. Эдгээр нь таныг таргалуулахгүй ба таныг шөнийн турш өлсгөхгүй байж чадна.

6. Унтлагын өрөө тань замбараагүй байдаг. Ширээндээр тань олон бичиг цаас хөглөрдөг, газраар эд хогшил бөөгнөрсөн байдаг. Эдгээр нь танд саад болохгүй байгаа юм шиг боловч үнэндээ таныг унтахад их саад болдог. Учир нь таны нүдэнд хөглөрсөн олон зүйл харагдах үед тархи ер амардаггүй байна. Шийдэл: Хэрвээ танд хийж дуусгаагүй олон бичиг цаасны ажил байгаа бол бүгдийг нь нэг хавтасанд хийх хэрэгтэй. Мөн хөглөрөөд байгаа зүйлсээ нэг саванд хийж аль болох олон зүйл ил байлгахгүй байх хэрэгтэй. Үүнээс гадна өрөөндөө компьютер байлгахгүй байсан нь дээр.

7. Таны өрөө шөнө гэрэлтэй байдаг. Өмнөх нийтлэлүүдэд гэрэлтэй зүйлс нойр сэргээдэг талаар бичиж байсан билээ. Утасны гэрэл, гудамжны гэрэл гээд гэрэл цацруулагч зүйлс нь таны тархинд унтах бус харин сэрүүн байх дохиог өгдөг байна. Шийдэл: Гаднах гэрэлнээс хамгаалах сайн арга бол бараан өнгийн хөшигтэй байх. Учир нь тэдгээр нь өрөөг хангалттай харанхуй болгож чадах ба гаднах гэрлийг нэвтрэхээс хамгаалдаг. Мөн та нүдний хаалтыг хэрэглэж болох юм.

8. Дуу чимээ сонсогддог. Хөлийн чимээ, хажуу өрөөний зурагтын чимээ, хүмүүсийн яриа бидэнд бага ч гэсэн сонсогддог. Шийдэл: Та хэрвээ дуу чимээнээс болоод унтаж чадахгүй байгаа бол агааржуулагч, сэнс зэргийг асаах хэрэгтэй. Энэ нь нэг хэвийн дуу чимээг гаргах боловч саад хийж чаддаггүй. Харин сэнсний чимээнд бусад дуу чимээ хамт дарагдах болно.

9. Тоос шорооноос үүсэх нөхцөл байдал. Тоос шорооноос болоод хүнд унтахад тавгүй болох тохиолдол бий. Бидний унтаж байгаа матрас, дэвсгэр даавуунууд заримдаа удаан угаагдаагүй явж байдаг. Энэ нь урт хугацааны тоос шороог өөртөө татах шалтгаан болдог юм. Шийдэл: Байнга цэвэрлэгээ хийж өрөөнийхөө тоос шорооноос салах хэрэгтэй. Түүнээс гадна өрөөнийхөө цонхыг байн байн онгойлгож, агаар солилцуулах хэрэгтэй. Учир нь гэрт янз бүрийн нян, бактери, хир тоос цугларсан байдаг учир цэвэр агаараар сольж байх хэрэгтэй байдаг байна.

10. Гэрийн тэжээвэр амьтантайгаа хамт унтах. Шийдэл: Гэрийн тэжээвэр амьтадаа унтах үедээ аль болох өрөөндөө оруулахгүй байх хэрэгтэй. Та өрөөндөө ганцаараа байх тусам амар тайван унтаж чадна.

Дэлгэрэнгүй...

Та эмнэлэгт шинжилгээ өгөхдөө юуг АНХААРАХ ёстой вэ?


Таны анхааралгүй хайхрамжгүй байдлаас шинжилгээний хариу эргэлзээтэй гарч, үүнээс улбаалан өвчний оношлогоо болон эмчилгээнд нөлөөлөх талтай. Иймээс уншигч та бүхэнд дараах зөвлөгөөг хүргэж байна.

1. Цусны шинжилгээнд бэлтгэх

Өндөгний цусыг өглөө өлөн эсвэл өглөөний цай ууснаас 1 цагийн дараа шинжилгээ өгнө. Шинжилгээ хийлгэхийн өмнө буюу урд өдөр нь биеийн хөдөлмөр ядартлаа хийх, зүү төөнүүр тавиулах, радио изотопийн болон рентген шинжилгээ хийлгэх, онцын шаардлагагүй үед эм уух буюу тариулж болохгүй.

2. Биохимийн шинжилгээнд бэлтгэх

Шинжилгээ өгөхийн урд орой нь өөх тос багатай түргэн шингэх хоол идэх бөгөөд шинжилгээ хийлгэхээс өмнө 10-12 цагийн өмнөөсхоол идэж болохгүй.

3..Сахарын шинжилгээнд бэлтгэх

Шинжилгээ өгөх өглөө эм, чихэртэй цай, кофе уух, багажийн шинжилгээнд

/ ЭХО,ЭКГ, дуран , рентген / орохыг хориглоно.

4.Шээсний шинжилгээнд бэлтгэх

Шинжилгээ өгөхдөө заавал угаалга хийсний дараа бэлтгэсэн шилэн саванд шээж , 30 минутаас 1 цаг 30 минутын дотор лабораторид авчирч шинжлүүлнэ. Шинжилгээний сав нь том амтай ,таглаатай байх бөгөөд уг савыг сайтар цэвэрлэж буцалсан усаар зайлан савыг арчилгүй хөмөрч хатаасан байх ёстой.

5.Бактериологийн шинжилгээнд бэлтгэх

Шинжилгээ өгөхдөө ариутгасан шилэн савыг лабораториос авч тусгай зааврыг мөрдлөг болгох бөгөөд шинжлэгдэхүүнийг лабораторид хоёр цагийн дотор хүргүүлнэ.

а/ Цэрний шинжилгээ өгөхдөө өглөө амаа сайтар угааж хоолойгоо буцалсан усаар зайлан сайн ханиалгаж цэрээ өгнө.

б/ Шээсний шинжилгээ өгөхдөө ариутгасан савны тагийг зөвхөн шээх үедээ онгойлгож шээсний дунд хэсгээс өгнө.

в/ Арчдасын шинжилгээг тусгай ариун бамбарын тусламжтайгаар авч лабораторид хүргүүлнэ.
Дэлгэрэнгүй...

Батгатай хүмүүст хориглох 10 заавар


Нүүрээ байнга усаар угаавал арьс суларч эрт хөгшрөх аястай болохоос гадна арьсны нүхрэлт ихэсч барзайх шалтгаан болдог.1. Нүүрээ байнга усаар угаавал арьс суларч эрт хөгшрөх аястай болохоос гадна арьсны нүхрэлт ихэсч барзайх шалтгаан болдог.

2. Тослог арьстай хүмүүс нүүрээ сүүн шингэнээр цэвэрлэж, тэжээлийн тос түрхэж, крем тавьж болохгүй.

3. Өөх тос, давс ихтэй халуун ногоотой хоол хэрэглэх хэрэггүй.

4. Архи, тамхи хэрэглэж, бэлгийн харьцааны дэг журамгүй амьдрал нь батгыг эдгээхгүй байх том шалтгаан болдог.

5. Кофе болон хэт сэргээх бэлдмэл, чихэр ихтэй гурилан бүтээгдэхүүн хэрэглэх сайн биш.

6. Баталгаагүй гоо сайхны бараанаас батгаа сэдрээдэг тал бий. Иймээс урьд нь хэрэглэж байгаагүй шинэ тос, пудр хэрэглэхдээ арьсныхаа өөрчлөлтийг ажиглаж сурах хэрэгтэй.

7. Агааржилтгүй халуун газар батгыг ихэсгэнэ. Иймд ажлын өрөө тасалгааныхаа салхивчийг 2-3 цаг тутамд онгойлгож цэвэр агаар оруулаарай.

8. Арьсан дээр яман нэгэн юм гардаг бол халуун наранд удаан байж, бүгчим газар олон цагаар ажиллах хэрэггүй.

9. Өдөн дэр, ноолууран хөнжил бүр шаардлагагүй. Арьсны өвнийг эдгээхгүй удвал биеийн дархлаа суларч халдварт өвчнөөр өвчлөх боломжтой боллоо.

10. Батгатай хүүхдүүд батгаа нууж гэж маск зүүж, алчуур зүүж, үсээ урт ургуулж нүүрээ халхалдаг. Ингэснээр батга арилахгүй харин ороолт, алчуур, масканд наалдсан идээ бээр арьсаар тархаж батгыг улам сэдрээдэг гэдгийг мартаж болохгүй.

Эх сурвалж:
www.e-health.mn
Дэлгэрэнгүй...

Нярай хүүхдийн дасан зохицолт, асаргаа сувилгаа

Нярай хүүхэд эхээс мэндэлмэгц агаарын даралт орчны дулаан, дуу чимээ, хүрэлцэхүй , нянгийн зэрэг эхийн хэвлийгээс огт өөр орчинд орно. Энэ бүхэнд тодорхой хугацааны дотор дасан зохицохын тулд нярай хүүхдийн бие махбодид өөрчлөлт гардаг.Нярай хүүхэд эхээс мэндэлмэгц агаарын даралт орчны дулаан, дуу чимээ, хүрэлцэхүй , нянгийн зэрэг эхийн хэвлийгээс огт өөр орчинд орно. Энэ бүхэнд тодорхой хугацааны дотор дасан зохицохын тулд нярай хүүхдийн бие махбодид өөрчлөлт гардаг.

Үүнд:
Арьсны улайлт: нь нярай хүүхдэд 100 % тохиолддог. Нярай даарсны улмаас амьдралын эхний хэдэн цагийн дотор үүсч, 2-3 хоног үргэлжилнэ. Биеийн ерөнхий байдал өөрчлөгдөхгүй, зөвхөн арьс нилэнхүйдээ хүчтэй улайна. Улайлт аяндаа арилна.
Физиологийн шарлалт: цусанд цөсний будагч бодис 3-3.5 мг давсан тохиолдолд нярайн шарлалт ажиглагдана. Эхний 2-5 хоногт шарлалт илэрч аажмаар буурч 10 хоногийн дараа гэхэд арилдаг. Харин 14 хоногоос удаан хугацаагаар үргэлжилбэл яаралтай эмчид хандах хэрэгтэй.
Хөхний булчирхай хатуурч томрох - нийт нярай хүүхдийн 2/3 хувьд нь тохиолдоно. Амьдралын эхний 3-4 хоногтойгоос эхлээд 7-8 хоногтойд дээд цэгтээ хүрч, аажмаар буурч хэвийн болно. Энэ үед шахаж, сааж болохгүй. Халдвар орох аюултай.
Үтрээнээс цайвар ялгадас гарах - охидын 60-70%-д тохиолдоно. Амьдралын эхний 3 хоногт бэлэг эрхтнээс цагаан юм гарч байснаа 1-3 хоногийн дараа аяндаа алга болно.
Үтрээнээс цус гарах - охидын 5-10%-д ажиглагдана. 5-8 дахь хоногоос эхлээд 1-3 хоногийн дараа зогсоно. Ихэвчлэн 2 мл орчим цус гардаг.
Физиологийн жин бууралт - Гүйцэд төрсөн хүүхэд 3500-3200 гр орчим төрдөг. Амьдралын эхний 3-4 хоногт төрөх үеийн биеийн жин буурч доод түвшинд хүрч цаашид аажмаар нэмэгдэнэ. Хэвийн нөхцөлд хүүхэд биеийн жингийн 6%-ийг алдана. Хэрэв 10%-иас дээш алдвал эмгэг гэж үзнэ. Нярай хүүхдийн бие махбод шингэнээр баялаг бөгөөд биеийн жингийн 70%-ийг эзэлнэ. Жин буурах шалтгаан нь хүүхэд шаардалагатай хэмжээний сүүгээ эхний 2-3 хоногт авч чаддаггүй, төрөлт огцом цочрол учир глюкокортикойдын ялгаралт ихэсдэг. Дутуу нярай, анхны төрөлтийн, төрөлтийн гэмтэлтэй, халуун тасалгаанд байгаа, даарсан, чийглэг багатай орчинд байгаа хүүхдүүд жингээ илүү алддаг.


Жингийн алдагдал нөхөгдөх 2 хэлбэр байдаг.

-Сонгодог хэлбэр- жингийн хамгийн их алдагдал 4 дэхь хоногт ажиглагдаад 7-8 дахь хоногтоо төрсөн жиндээ хүрнэ. Энэ нь 50-70%-д тохиолдолно.

-Удааширсан хэлбэр- төрсөн жингээ 10 дахь хоногтоо нөхнө. Нийт нярайн 30-50% д тохиолдоно.

Дулааны тэнцвэрийн өөрчлөлт - Биеийн дулаан бууралт 100 % тохиолдоно. Нярайн дулаан алдалт нь дулаан үүсэлтээс давамгайлдаг.
Халууцсан тохиолдолд дулаанаа гадагш ялгаруулах чадвар сул, даарсан хөрсөн тохиолдолд дулаан алдагдлыг багасгах чадвар сул, биеийн кг жинд оногдох гадаргууны талбай их учир дулааны алдагдал ихтэй.
Амьдралын эхний 30 мин-д цусанд хүчилтөрөгч багадах, хүчилшил, бодис задрал арилаагүй учир дулаан үүсэл хангалтгүй явагддаг.
Өвчүүний ар, 2 далны завсар, нурууны дагуу байрладаг бор өөх дулаан үүсгэхэд чухал ач холбогдолтой бөгөөд энэ нь насанд хүрэгсдийн биеийн жингийн 16%-ийг эзэлдэг бол гүйцэд нярайн биеийн жингийн 8%, дутуу нярайн биеийн жингийн 1-1.5%-ийг эзэлдэг. Хүйтний нөлөөгөөр өөх тос задарч илч үүсгэдэг. Биеийн дулаан бууралтаас сэргийлэхийн тулд нярайн анхдагч түрхлэгийг яаран арилгахгүй байх, хүүхдийг төрмөгц дулаан өлгийгөөр өлгийдөж дааруулахгүй байлгах нөхцлийг бүрдүүлэх, дулаан хэлхээг сахих чухал ач холбогдолтой.

Нярайн асаргаа сувилгаа
Хүйг арчлах - Хүйг нь хуванцар хавчаараар хавчин 24 цагийн дараа уг хавчаарыг авдаг. Хүйний үлдэгдэл нь хуурай ил боолтгүй байлгасан нөхцөлд 7-10 хоногийн хугацаанд унах ёстой. Хэрэв хүй цөглөхгүй удаж шарх бохирдвол хүйг цэвэр усаар савандаж угаагаад, цэвэр алчуураар дарж хатаана. Хүйн шархыг тойрон арьс улайж, идээ гаран эвгүй үнэр гарвал эмчид хандах хэрэгтэй.
Нүд цэвэрлэх - хүүхдийн нүүр хүзүүг өглөө бүр бүлээн усаар угааж занших, нүд нуухтах үед эмчид үзүүлэх шаардлагатай.
Хамар цэвэрлэх - нярай хүүхдийн хамар жижиг нарийн байдаг тул амархан битүүрдэг. Хамар нь шингэн нустай байвал нойтон эрчилсэн хөвөнгөөр зөөлөн эргүүлж цэвэрлэнэ. Олон удаа цэвэрлэвэл хамрын салст хөөдөг учир анхаараарай. Агаарын хэрэгцээ - Хүүхдийн өсөлт хөгжилтөнд цэвэр агаар нэн шаардлагатай байдаг. Дулааны улиралд хүүхэд төрснөөс хойш гадаа гаргаж 10-15 минутаас 2-3 долоо хоногтойгоос нь дулаахан хувцаслаж 10-15 хэмээс илүүгүй хүйтэнд салхигүй тогтуун үед агаарт гаргаж болно.

Анхны амлуулалт, хөхөөр хооллолт
Эрүүл нярай төрсний дараа төрөлхийн мэдрэмжээрээ хоол хайж эхэлдэг. Амьдралын эхний 2 цагт хүүхэд сэргэлэн, идэвхитэй, хооллоход бэлэн байдаг. Хэрэв эхэд нь төрөх үед эмийн бодис хэрэглэсэн бол идэвхи муу байдаг. Эхийн хэвлий дээр тавьсан эрүүл, гүйцэд нярай эхийн хөх рүү мөлхөн, хөхөө олох чадвартай. Хөхний толгойг эмэрч идэвхжүүлэх нь окситоцины ялгаралтыг ихэсгэж, эхэс хурдан салахад нөлөөлдөг.
Хүүхдийг төрсний дараа амьдралын эхний 30 минутаас 1 цагийн дотор багтаан амлуулж, дараа нь хүүхдийг хүссэн үед нь өдөр шөнийн аль ч цагт, аль болох олон удаа, хүссэн хэмжээгээр нь хөхүүлэх ёстой.
Хүүхдийг 6 сар хүртэл нь зөвхөн хөхний сүүгээр хооллож, дараа нь нэмэгдэл хоолонд оруулснаар хүүхэд хэрэгцээт шимт бодисоо хангалттай авч, хэвийн өсөж бойжих нөхцөл бүрддэг. Дан хөхөөрөө бойжиж байгаа хүүхэд сүүгээрээ хангалттай төмөр авдаг учир 6 сар түүнээс илүү хугацаагаар төмөр дутагдлын цус багадалтанд өртөхгүй.


Хөхний сүүний ач холбогдол
- Хөхний хүүхэд тэжээвэр хүүхдийг бодвол суулгалт, хоол боловсруулах замын халдвар, амьсгалын халдварт өртөх нь бага.
- Бифидус хэмээх хүчин зүйл нь хүүхдийн гэдсэнд тусгай бичил биетэн өсөж үржихэд нөлөөлдөг бөгөөд энэ нь эмгэг үүсгэгч бусад нянгаас хамгаалдаг.
- Үрэвслийн эсрэг олон хүчин зүйлс үрэвсэл явагдах шалтгааныг бууруулдаг.
- Хөхний сүүний амьд эсүүд болох лимфоцит, макрофаг нь аливаа өвчний үүсгэгчийг устган бие махбодыг халдвараас хамгаална.
-Хүүхдийг эхийн өвчнөөс хамгаалах эсрэг бие хөхний сүүнд агуулагддаг.
-Өсөлтийн хүчин зүйлс нь хүүхдийн өсөлт, бойжилт дархлалын ба төв мэдрэлийн тогтолцоо, арьс зэрэг эрхтний өсөлт хөгжлийг хангаж байдаг.
-Хөхний сүү вирус, шимэгч хорхойн эсрэг хүчин зүйлс агуулдаг.
-Хөхний сүүний уураг казеин багатай, тогтоц нь зөөлөн хурдан шингэдэг учир харшил үүсгэдэггүй.
-Хөхний сүүнд А, С амин дэм хангалттай хэмжээгээр агуулагддаг.
Ангир уураг, эхний ба төгсгөлийн сүү
Хөхний сүүний найрлага хүүхдийн нас, хооллолтын эхэн ба төгсгөлд өөр байдаг.
Ангир уураг гэдэг нь төрсний дараах эхний хэдэн хоногт гардаг өтгөн шар цэвэр сүү юм. Ангир уургийн шинж чанар, түүний ач холбогдол нь төгсгөлийн сүүнээс илүү. Ангир уураг төгсгөлийн сүүнээс уургаар баялаг, төгсгөлийн сүү эхний сүүнээс өөх тосоор баялаг байдаг.
Боловсорсон буюу найрлага тогтворжсон сүү нь төрснөөс хэдэн өдрийн дараа ялгардаг сүү. Энэ үед хөх дүүрч, хатууран хүндэрч их хэмжээний сүү хөхөнд хуримтлагдана.
Зарим хүмүүс энэ процессыг сүү орлоо гэж нэрлэдэг.
Эхний сүү - хөхүүлэх үед эхлээд гардаг сүү нь усархаг, хөхөвтөр өнгөтэй. Их хэмжээтэй ялгардаг уураг, нүүрс ус, аминдэм эрдэс, ус бусад шим тэжээлт бодисоор баялаг тул усархаг байдаг бөгөөд зарим эхчүүд шингэн байна гэж эмзэглэдэг нь буруу юм.
- Төгсгөлийн сүү- хөхүүлж дуусах үед гардаг сүү. Эхний сүүг бодвол цагаан өнгөтэй өөх тосоор баялаг байдаг. Энэ өөх тос нь хөхөө хөхөхөд зарцуулагдаж байгаа илчлэгийг нөхөж өгдөг тул хүүхдээ хөхөж дуусахаас нь өмнө салгаж болохгүй, хүссэн хугацаагаар нь хөхүүлэх хэрэгтэй. •

Арьс арчлах
- Хүүхдийн нүүрийг өдөр бүр буцалсан бүлээн усаар угаана. Чихний ар хүзүү, суга, цавь зэрэг амархан нурдаг хэсгийг өдөр бүр шалгаж, хүүхдийн зориулалтын тос, цацлагын аль тохирохыг хэрэглэнэ. Хүүхэд баасан тохиолдол бүрийн дараа бөгсийг угааж хуурай болтол арчина.


Өлгийдөх
- Өлгийдөх нь хүүхдийг халдвараас хамгаалдаг, дулаан байлгадаг гэсэн ойлголт байдаг. Энэ нь шинжлэх ухааны нотолгоогоор батлагдаагүй зүйл. Харин чанга өлгийдөх нь дараах сул талтай болох нь батлагдсан байна.
Үүнд:
- Өрцний хөдөлгөөнийг алдагдуулах тул амьсгалахад саадтай
- Биеийн зарим хэсэгт цусны эргэлт алдагдана.
- Хүүхдийн бие өлгийдсөн даавууны хоорондын зай бага байдаг тул дулаанаа хадгалж чаддаггүй.
- Гар хөлийн хөдөлгөөнийг хязгаарладаг тул мэдрэл булчингийн зохицуулга алдагддаг.
- Хүүхдийн толгойг чанга өлгийдөх нь толгойгоо чөлөөтэй хөдөлгөж, амаа том ангайж, хөхөө зөв үмхэхэд саад болдог.
- Өлгийдүүлсэн хүүхэд их унтамхай, хөхөө хөхөхөөр ойр ойрхон сэрдэггүй тул хөхөнд сүү оролтыг багасгадаг.
- Хүүхдэд хөвөн даавуун материалаар хийсэн, чөлөөтэй хувцас өмсгөж, дулааан ороолтоор ороох, эсвэл хүүхдийн бөгсөн хэсгийг өлгийдөж, толгой гарыг хөдлөхөд чөлөөтэй орхиж болно.


Нярай хүүхдийг усанд оруулах
- Нярайг усанд оруулж, төрөх үеийн түрхлэгийг арилгахыг түр азнах хэрэгтэй. Хэрэв нярайн арьс цус, зунгагаар их хэмжээгээр бохирдсон эсвэл нярайг төрсөн даруйд нь усанд оруулдаг ёс заншилтай бол хүүхдийг төрсний дараах 2-6 цагт хэвийн хэмтэй усанд оруулж болно.
- Усанд оруулахдаа дараах зүйлийг анхаарах хэрэгтэй.
-Өрөөний хэсэг болон буланг дулаацуулах
- Дулаан үүсгэгчийн ойролцоо, усны хэмийг тохойгоо дүрэн шалгасан бүлээн усанд, хүүхдээ нүцгэлээд, гараараа барьж оруулна.
- Түргэн зөөлөн хөдөлгөөнөөр хүүхдийг угаана.
- Хүүхдийг уснаас гаргангуут бүлээн хуурай алчуураар ороон авч, толгойноос хөл хүртэл хуурайшуулан арчина.
- Хүүхдийг түргэн хувцаслах ба өлгийднэ. Хүүхдийн толгойд малгай өмсүүлнэ.
- Хүүхдийг эхэд өгч хөхүүлнэ.
- Хүүхдийн биеийн халуун хэвийн бол төрснөөс хойш 6 цагийн дараа усанд оруулж болно.
Анхаарал тавьсан баярлалаа нярайн эмч Ц.Баярмаа
Эх сурвалж:
www.emg.tuv.mn Нярайн эмч Ц.Баярмаа
Дэлгэрэнгүй...
 

© Copyright Эрүүл биед саруул ухаан оршино. . All Rights Reserved.

Designed by TemplateWorld and sponsored by SmashingMagazine

Blogger Template created by Deluxe Templates